სიახლეების გამოწერა

 22 მაისს ა.ა.ი.პ „თეთრიწყაროს კულტურისა და საბიბლიოთეკო დაწესებულებების გაერთიანება - კულტურის ცენტრთან” არსებულმა საბავშვო თეატრალურმა სტუდია "გარისმა" წარმოადგინა სპექტაკლი "ტრაგედიის აჩრდილები" (სცენარის ავტორი ტატა ახალაია), რომელიც აფხაზეთის ომის ტრაგიკული მოვლენების გახსენებას მიეძღვნა.

სპექტაკლმა და მონაწილე მსახიობების სასცენო ხელოვნებამ მაყურებელთა აღფრთოვანება და ოვაციები დაიმსახურა.

 21 მაისს თეთრიწყაროს მუნიციპალიტეტის მერიის საკონფერენციო დარბაზში რეჟისორ ნიკოლოზ ხომასურიძის მხატვრული ფილმის „ექვთიმე ღვთისკაცი“ ჩვენება გაიმართა.

ფილმის დასრულების შემდგომ გაიმართა დისკუსია რეჟისორთან და მსახიობებთან.

ჩვენებას თვითმმართველობის წარმოამდგენლებთან ერთად, ესწრებოდა ადგილობრივი მოსახლეობა.

  20 მაისს თეთრიწყაროს მუნიციპალიტეტის დაბა მანგლისში საქართველოს ტერიტორიული მთლიანობისთვის დაღუპულ გმირთა სახელობის პარკი და მემორიალი გაიხსნა.

  მანგლისისა და თეთრიწყაროს ეპარქიის მიტროპოლიტმა მეუფე ანანია ჯაფარიძემ მემორიალთან ომში დაღუპულ გმირთა სულების მოსახსენიებელი პანაშვიდი გადაიხადა.

 18 მაისს ყველა მოქმედ საჯარო სკოლაში ბოლო ზარი დაირეკა.

  თეთრიწყაროს №1 საჯარო სკოლაში გამართულ ღონისძიებაზე თეთრიწყაროს მუნიციპალიტეტის მერმა გიორგი ქორიძემ და მოადგილეებმა მალხაზ სამაშვილმა და ლია ზურებიანმა მოსწავლეებს სკოლის დამთავრება მიულოცეს წარმატებები და წინსვლა უსურვეს, ასევე მადლობა გადაუხადეს პედაგოგებს გაწეული შრომისა და ღვაწლისათვის.

 თეთრიწყაროს მუნიციპალიტეტის მერიამ 25 კუბური მეტრი საშეშე მერქნული რესურსი თეთრიწყაროს მუნიციპალიტეტის ტერიტორიაზე მცხოვრებ სოციალურად დაუცველ და იძულებით გადაადგილებულ ოჯახებს გადასცა.

17 მაისს ასოციაცია "სამხარეო განვითარება მომავალი საქართველოსთვის" (RDFG) თეთრიწყაროს ოფისში, ევროკავშირის ფინანსური მხარდაჭერით მიმდინარე პროექტის " სოფლის მდგრადი განვითარება თეთრიწყაროს მუნიციპალიტეტში" ფარგლებში შეხვედრა გაიმართა. 

   17 მაისს ქალაქ თეთრიწყაროს №1 საჯარო სკოლაში პროექტ „განავითარე შენი რეგიონის“ ფარგლებში დასკვნითი ღონისძიება გაიმართა.

  თეთრიწყაროს მუნიციპალიტეტის საჯარო სკოლების მოსწავლეებმა ღონისძიებაზე წარმოადგინეს პრეზენტაციები, რომლებიც ძირითადად მუნიციპალიტეტის ეკონომიკური, სოციალური და ინფრასტრუქტურული მიმართულებით განსახორციელებელ პროექტებს მოიცავდა. 

 მაისს ქ. თეთრიწყაროში ქართველი ველომოგზაური ნოდარ ბერიძე იმყოფებოდა. მოგზაურს თეთრიწყაროს მუნიციპალიტეტის მერი გიორგი ქორიძე მოადგილეებთან და თანამშრომლებთან ერთად შეხვდა. „ჩემი მოგზაურობის მთავარი მისიაა ხალხთა შორის მშვიდობის და ტოლერანტობის პროპაგანდა, სპორტისა და ცხოვრების ჯანსაღი წესის პოპულარიზაცია“ - აღნიშნა ნოდარ ბერიძემ და ისაუბრა მოგზაურობასთან დაკავშირებული სირთულეებისა და სამომავლო გეგმების შესახებ. 

 მაისს ქ. თეთრიწყაროში ქართველი ველომოგზაური ნოდარ ბერიძე იმყოფებოდა. მოგზაურს თეთრიწყაროს მუნიციპალიტეტის მერი გიორგი ქორიძე მოადგილეებთან და თანამშრომლებთან ერთად შეხვდა. „ჩემი მოგზაურობის მთავარი მისიაა ხალხთა შორის მშვიდობის და ტოლერანტობის პროპაგანდა, სპორტისა და ცხოვრების ჯანსაღი წესის პოპულარიზაცია“ - აღნიშნა ნოდარ ბერიძემ და ისაუბრა მოგზაურობასთან დაკავშირებული სირთულეებისა და სამომავლო გეგმების შესახებ. 

  სოფელ ნამტვრიანში სასმელი წყლის ქსელის მოწყობის სამუშაოები მიმდინარეობს. აღნიშნულ დასახლებას წყალმომარაგების სისტემის არარსებობის გამო, სასმელი წყალი შეზღუდული რაოდენობით მიეწოდებოდა. გეგმიური სამუშაოების ფარგლებში მოეწყობა 1,5 კმ სიგრძის ქსელი, შედეგად ადგილობრივი მოსახლეობა ისარგებლებს გაუმჯობესებული წყალმომარაგებით.       

15 მაისს ქ. თბილისში, ადგილობრივ თვითმმართველობებში გენდერული თანასწორობის საკითხებთან დაკავშირებით, პირველი ეროვნული კონფერენცია გაიმართა. 

 ღონისძიებას ესწრებოდნენ თეთრიწყაროს მუნიციპალიტეტის მერი გიორგი ქორიძე და საკრებულოს თავმჯდომარე გოჩა თედორაძე. შეხვედრა გახსნეს და მონაწილეებს სიტყვით მიმართეს: პარლამენტის თავმჯდომარის პირველმა მოადგილემ თამარ ჩუგოშვილმა, თბილისის მერმა კახა კალაძემ, საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა, გაეროს განვითარების პროგრამის ხელმძღვანელის მოადგილემ მუნხტუია ალთანგელერმა. 

  13 მაისს ქალაქ თეთრიწყაროს №1 საჯარო სკოლაში ქვემო ქართლის რეგიონალური კონკურსის ,,კალიგრაფიის მარგალიტები“ ფარგლებში, ჩატარდა კალიგრაფიის კონკურსის დასკვნითი (III) ტური. 

  9 მაისს ქალაქ თეთრიწყაროში კულტურისა და დასვენების პარკში და სოფელ ჯვარაში მეორე მსოფლიო ომში დაღუპულ გმირთა მემორიალებთან ფაშიზმზე გამარჯვების 73-ე წლისთავისადმი მიძღვნილი ღონისძიებები ჩატარდა. 

  თეთრიწყაროს მუნიციპალიტეტის მერმა გიორგი ქორიძემ, მერის მოადგილეებმა ლია ზურებიანმა და ბერდია ხვისტანმა გარდაცვლილთა მემორიალები გვირგვინებით შეამკეს და გამარჯვების დღე მიულოცეს მეორე მსოფლიო ომის მონაწილე ვეტერანებს. 

 8 მაისს შეზღუდული შესაძლებლობების მქონე 3 პირს: სოფელ საღრაშენში მცხოვრებ ნათელა მანთაძეს, სოფელ ორბეთში მცხოვრებ ზინაიდა დოლაშვილს და ქ. თეთრიწყაროში მცხოვრებ სურენ ოგანესიანს საჩუქრად ეტლები გადასცეს ააიპ " შეზღუდული შესაძლებლობების მქონე პირთა დახმარების ფონდი" -ს ხელმძღვანელმა გოჩა კაპანაძემ, თეთრიწყაროს მუნიციპალიტეტის მერმა გიორგი ქორიძემ და ქვემო ქართლში სახელმწიფო რწმუნებულის-გუბერნატორის ადმინისტრაცის ადგილობრივი თვითმმართველობის ორგანოებთან ურთიერთობის სამსახურის უფროსის მოადგილემ სოსო პირველმა.

  8 მაისს კოდის სათემო განათლების ცენტრს გერმანიის სახალხო უნივერსიტეტთა ასოციაციის საერთაშორისო თანამშრომლობის ინსტიტუტის (DVV International) სხვადასხვა ქვეყნის ოფისების (გერმანია, უკრაინა, ბელარუსია, არაბეთი) წარმომადგენლები ესტუმრნენ და გაეცნენ სათემო განათლების ცენტრის საქმიანობას, მოისმინეს ინფორმაცია ცენტრის მიერ განხორციელებული და მიმდინარე პროექტების შესახებ, დაესწრნენ პროფესიული და პიროვნული განვითარების სალექციო კურსებს. სტუმრების დიდი ინტერესი გამოიწვია კოდის სათემო განათლების ცენტრთან არსებული სოციალური საწარმოს „არტკოდა“ მიერ წარმოდგენილმა ხელნაკეთმა ნივთებმა და ხელოვნების სხვადასხვა ნიმუშებმა.

  2018 წლის 4 მაისს თეთრიწყაროს მუნიციპალიტეტის მერიის სხდომათა დარბაზში თეთრიწყაროს მუნიციპალიტეტის მერის სათათბირო ორგანოს, საზოგადოებრივი მრჩეველთა საბჭოს სხდომა გაიმართა .

თეთრიწყაროს მხარეთმცოდნეობის მუზეუმის კულტურული მემკვიდრეობის სააგენტოსათვის სარგებლობის უფლებით გადაცემის საკითხი საბჭოს წევრებს და დამსწრე საზოგადოებას გააცნო მერის პირველმა მოადგილემ, მალხაზ სამაშვილმა.

   საბჭოს სხდომა ინტერაქტიულად წარიმართა. სამოქალაქო მრჩევლებმა მერიის მიერ წარდგენილ დოკუმენტებზე თავისი მოსაზრებებისა და შენიშვნების მოსამზადებლად გონივრული ვადა ითხოვეს.

   თეთრიწყაროს მუნიციპალიტეტის მერის საზოგადოებრივი მრჩეველთა საბჭო სამუშაოდ ერთ თვეში შეიკრიბება.

  3 მაისს კოდის სათემო განათლების ცენტრში ევროკავშირის დაფინანსებით მიმდინარე პროექტის „სამოქალაქო საზოგადოება განვითარებისა და თანამშრომლობისთვის: ტურისტული პოტენციალის გაზრდა აზერბაიჯანისა და საქართველოს სასაზღვრო რეგიონებში“ პრეზენტაცია გაიმართა.

   პროექტის მიზნებისა და ამოცანების, აგრეთვე გათვალისწინებული აქტივობების შესახებ დამსწრე საზოგადოებას ინდფორმაცია მიაწოდა კოდის სათემო განათლების ცენტრის დირექტორმა მადონა ოქროპირიძემ. ქვემო ქართლის რეგიონის ტურისტული პოტენციალის და თეთრიწყაროს მუნიციპალიტეტში ტურიზმის სფეროს განვითარების პერსპექტივების შესახებ პრეზენტაცია წარმოადგინა მერიის ტურიზმის განყოფილების სპეციალისტმა ლამარა ბექაურმა, რომელიც ამავე დროს ჩართულია პროექტში, როგორც მიწვეული ექსპერტი ტურიზმის დარგში.

  3 მაისს ქალაქ თეთრიწყაროში შიდა ქუჩების და სოფელ ახალშენში მისასვლელი გზის მიმდინარე სარეაბილიტაციო სამუშაოები მოინახულეს ქვემო ქართლში სახელმწიფო რწმუნებულმა-გუბერნატორმა გრიგოლ ნემსაძემ, თეთრიწყაროს მუნიციპალიტეტის მერმა გიორგი ქორიძემ, საკრებულოს თავმჯდომარემ გოჩა თედორაძემ და მერის მოადგილეებმა.

  2 მაისს თეთრიწყაროს მუნიციპალიტეტის მერიაში, არასამთავრობო ორგანიზაციის CENN პროექტების „წყალი სიღარიბის აღმოსაფხვრელად“ და „საქართველოს WASH (წყალი, სანიტარია და ჰიგიენა) სათემო ინიციატივის“ ფარგლებში, სამუშაო შეხვედრა გაიმართა. ორგანიზაცია CENN -ის წარმომადგენლებმა მარიკო წიქარიძემ და ვახო ქოჩორაძემ შეხვედრის მონაწილეებს გააცნეს პროექტების მიზნები და განიხილეს თეთრიწყაროს მუნიციპალიტეტის სოფელ გოლთეთსა და სოფელ წინწყაროს საჯარო სკოლებში და საბავშვო ბაღებში სასმელი წყლის სანიტარულ-ჰიგიენურ მდგომარეობასთან დაკავშირებით, WASH ტექნიკური შეფასების ანგარიში.

  1 მაისს ქ.თეთრიწყაროს №1 საჯარო სკოლაში, ქვემო ქართლის რეგიონალური კონკურსის ,,კალიგრაფიის მარგალიტები“ ფარგლებში, ჩატარდა დასკვნითი ტურის წინა საინფორმაციო შეხვედრა/მასტერკლასი. კონკურსში აქტიურად იყვნენ ჩართული მუნიციპალიტეტის სხვადასხვა საჯარო სკოლების მოსწავლეები. აღსანიშნავია, რომ კონკურსის დასკვნით ეტაპზე, რომელიც ქ.თეთრიწყაროში გაიმართება, მუნიციპალიტეტს წარმოადგენს ქ.თეთრიწყაროს №1 საჯარო სკოლის 4 მოსწავლე.