სიახლეების გამოწერა

  22 ივლისს ქალაქ თეთრიწყაროში „მხატვრის სახლში“ ტურისტული გამოფენა „თეთრიწყარო 2018“ გაიმართა.

ღონისძიებაზე წარმოდგენილი იყო პრეზენტაციები თეთრიწყაროში არსებული ტურისტული სერვისების შესახებ, ასევე საგამოფენო სივრცე, რომელიც თეთრიწყაროს ტურისტული რესურსების ამსახველ ინფორმაციას დაეთმო.
გამოფენის ორგანიზატორია ქვემო ქართლის რეგიონის განვითარების ხელშეწყობის საინიციატივო ჯგუფი.

ღონისძიებას ესწრებოდნენ: ქვემო ქართლში სახელმწიფო რწმუნებულის-გუბერნატორის მოადგილე, კახა კობერიძე, თეთრიწყაროს მუნიციპალიტეტის მერი გიორგი ქორიძე, მერის პირველი მოადგილე მალხაზ სამშვილი, ტურიზმის სამეცნიერო და აკადემიური წრეების წამყვანი სპეციალისტები, ტუროპერატორები, გიდები და თემით დაინტერესებული პირები .