სიახლეების გამოწერა

თეთრიწყაროს მუნიციპალიტეტის გერბი

გერბის ფარი გამოყოფილია 4 ნაწილად. პირველი ნაწილი ლაჟვარდის ველზე გადაჯვარედინებული ოქროს მახვილი და ოქროს შურდული; მეორე ნაწილი _ მეწამულ ველზე ვერცხლის ბაშელიერი, რომელზეც გამოსახულია მეწამული ჯვარი; მესამე ნაწილი _ მეწამულ ველზე მარცხნიდან მარჯვნივ ტალღისებური, შემცირებული ვერცხლის ყაბიწი; მეოთხე ნაწილი- ლაჟვარდის ველზე ოქროს მშვილდ-ისარი. გერბის ფარს ზემოთ მოთავსებულია საქალაქო ვერცხლის გვირგვინი - სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია კარიბჭით. ფარს ქვემოთ მოთავსებულია გერბის დევიზის ვერცხლ-მეწამული ბაფთა, რომლის ვერცხლის ველზე შავად ჩაწერილია „თეთრიწყარო“.

თეთრიწყაროს მუნიციპალიტეტის დროშა

დროშას ლაჟვარდ და მეწამულ ველებად შუაზე ჰყოფს თეთრი ყაბიწი (მარცხნიდან მარჯვნივ). დროშის პროპორციაა 2:3.