სიახლეების გამოწერა

  ააიპ „თეთრიწყაროს ახალგაზრდული ცენტრი“ ქ. თეთრიწყაროში 2016 წლიდან ფუნქციონირებს. ცენტრი დონორი ორგანიზაციების მხარდაჭერით და ადგილობრივი ახალგაზრდების მონაწილეობით ახორციელებს სხვადასხვა საგანმანათლებლო პროექტებს და წარმოადგენს ადგილობრივი ახალგაზრდების შეკრებისათვის ერთადერთ სივრცეს, სადაც შესაძლებელია იდეების და ხედვების გაზიარება, ერთობლივი სამოქმედო გეგმების დასახვა. 

საქართველოს სტრატეგიული კვლევებისა და განვითარების ცენტრის მიერ, პროექტის „ახალგაზრდების გაძლიერება პოზიტიური ცვლილებებისათვის“ გამოცხადებული საგრანტო კონკურსის ფარგლებში მოპოვებული გრანტით, თეთრიწყაროს ახალგაზრდული ცენტრის შენობაში მოეწყობა ბიბლიოთეკა, ეზო, 2 ოთახი შეხვედრებისათვის და სველი წერტილები.
აღნიშნული პროექტის გაცნობის მიზნით, 1 აგვისტოს ახალგაზრდული ცენტრის შენობაში, საქართველოს სტრატეგიული კვლევებისა და განვითარების ცენტრის თემის განვითრების პროგრამის გრანტების მენეჯერი ანი ნადირაშვილი და თეთრიწყაროს ახალგაზრდული ცენტრის ხელმძღვანელი ლუსინე დოსტიბეგიანი თეთრიწყაროს მუნიციპალიტეტის მერის პირველ მოადგილეს მალხაზ სამაშვილს შეხვდნენ.

ააიპ „თეთრიწყაროს ახალგაზრდული ცენტრს“ ფუნქციონირებისათვის ადგილობრივი თვითმმართველობის მიერ გადაეცა მუნიციპალიტეტის საკუთრებაში არსებული შენობა. სამომავლოდ იგეგმება ორგანიზაციის განვითარების სტრატეგიის შემუშავება და ადგილობრივი ახალგაზრდებისათვის სხვადასხვა საგანმანათლებლო ღონისძიებების განხორციელება.