სიახლეების გამოწერა

  ლიტვის ადგილობრივი განვითარების ჯგუფის ქსელის თავმჯდომარე ლიგიტა სმაგურაუსკაინე და წევრი პოვილას საულევიუსი ასოციაცია „სამხარეო განვითარება მომავალი საქართველოსათვის“ წარმომადგენლებთან ერთად, თეთრიწყაროს მუნიციპალიტეტის მერიაში ვიზიტით იმყოფებოდნენ.

ლიტველი სტუმრები ადგილზე გაეცნენ ადგილობრივი თვითმმართველობის ორგანოების საქმიანობის წესს და მიიღეს ინფორმაცია სამომავლო გეგმების და განვითარების სტრატეგიული მიმართულებების შესახებ, ამასთანავე თვითმმართველობის წარმომადგენლებს ლიტვური LAG-ების და მუნიციპალიტეტების ერთობლივი მუშაობის გამოცდილებები გაუზიარეს.

შეხვედრაზე სამომავლო პარტნიორული ურთიერთობების დამყარების და კულტურულ-საგანმანათლებლო სფეროში გაცვლითი პროგრამების შემუშავების მიზნით, ორმხრივი თანამშრომლობის სურვილი გამოითქვა.

  27 ივნისს თეთრიწყაროს მუნიციპალიტეტის მერის სათათბირო ორგანოს, სამოქალაქო მრჩეველთა საბჭოს მორიგი სხდომა გაიმართა. წინასწარ დაანონსებული დღის წესრიგის შესაბამისად განსახილველი თემები წარმოადგინეს: 2018 წლის 4 მაისის სხდომაზე თეთრიწყაროს მერიის მიერ წარმოდგენილი დოკუმენტებსა და თეთრიწყაროს მხარეთმცოდნეობის მუზეუმის გადაცემის საკთხზე რეკომენდაციები - გულიკო შოშტაშვილმა, მრჩეველთა საბჭოს თავმჯდომარემ ხოლო მერიის ტურიზმის განვითარების ხელშეწყობის განყოფილების უფროსმა გოგა ასუმბანმა - თეთრიწყაროს მუნიციპალიტეტში ტურიზმის განვითარების სტრატეგიის დოკუმენტის სამუშაო ვერსია და ასევე - ევროკავშირის ინიციატივა „მერები ეკონომიკური ზრდისთვის“.

  სპეციალური საჭიროებების მქონე ბავშვთა უფლებების დაცვის მიზნით, 27 ივნისს თეთრიწყაროს მუნიციპალიტეტის მერიაში, ორგანიზაციამ ,,ინიციატივა რეგიონალური განვითარებისთვის“ პროექტის ,,ერთად ერთმანეთისთვის“ ფარგლებში, საინფორმაციო შეხვედრა გამართა ადგილობრივი თვითმმართველობის და სამოქალაქო სექტორის წარმომადგენლებთან.

ორგანიზაციის წარმომადგენლებმა შშმ ბავშვთა მშობლებთან ერთად იმსჯელეს თეთრიწყაროს მუნიციპალიტეტში ამ მიმართულებით არსებული გამოწვევების შესახებ და პრობლემების გადაჭრის მიზნით, განიხილეს სამომავლო თანამშრომლობის გზით, მუნიციპალიტეტში ფსიქო-სოციალური რეაბილიტაციის დღის ცენტრის დაარსების შესაძლებლობა.

  26 ივნისს, ევროკავშირის მხარდაჭერით მიმდინარე პროექტის „სოფლის მდგრადი განვითარება თეთრიწყაროს მუნიციპალიტეტში“ ფარგლებში, თეთრიწყაროს ადგილობრივი განვითარების ჯგუფს (TT LAG) ესტუმრნენ ლიტვის ადგილობრივი განვითარების ჯგუფის ქსელის თავმჯდომარე ლიგიტა სმაგურაუსკაინე და წევრი პოვილას საულევიუსი. პროექტის ფარგლებში, შეხვედრას ფასილიტაციას უწევდა ასოციაცია "სამხარეო განვითარება მომავალი საქართველოსთვის (RDFG)".

თეთრიწყაროს ლაგის საჯარო, სამოქალაქო და კერძო სექტორის წარმომადგენლებმა და ლიტველმა სტუმრებმა განიხილეს თეთრიწყაროს ადგილობრივი განვითარების ჯგუფის ფუნქციონირებისა და LEADER მიდგომის განხორციელების მიზნები და საფუძვლები. თეთრიწყაროს მერის პირველმა მოადგილემ მალხაზ სამაშვილმა, სტუმრებს გააცნო მუნიციპალიტეტის მუშაობის სტრუქტურა და მათი თანამშრომლობის არსი ადგილობრივი განვითარების ჯგუფებთან, როგორც ნაციონალურ, ისე საერთაშორისო დონეზე.

  21 ივნისს ქ. თეთრიწყაროში, ჯავრიშვილის კლინიკა „ოფთალმიჯი“-ს ექიმებმა სამედიცინო აქციის ფარგლებში, მოსახლეობას მხედველობის უფასო გამოკვლევები ჩაუტარეს.

პაციენტებს ჩაუტარდათ მხედველობის შემოწმება (ვიზომეტრია), ბიომიკროსკოპული გამოკვლევა და თვალის ფსკერის გამოკვლევა არაკონტაქტური გოლდმანის ლინზით.

  თეთრიწყაროს მუნიციპალიტეტის მერიაში აქტიურად მიმდინარეობს ადგილობრივი ეკონომიკური განვითარების გეგმის შემუშავების პროცესი.

 18 ივნისს გამართულ შეხვედრაზე სამუშაო ჯგუფმა განიხილა პირველადი დოკუმენტი და იმსჯელეს პრიორიტეტულ მიმართულებებზე, რომელიც შემდგომ ასახული იქნება გეგმაში. 

ინიციატივის მონაწილე მუნიციპალიტეტებისთვის ადგილობრივი ხელისუფლებისა და მისი პარტნიორების მიერ შეიმუშავებული განვითარების გეგმა მიმართული უნდა იყოს კერძო სექტორის ზრდისაკენ, რათა ხელი შეეწყოს ადგილობრივ განვითარებასა და დასაქმებას.

 15 ივნისს  ქალაქ თეთრიწყაროს №1 საჯარო სკოლის დირექციამ წარმატებულ მოსწავლეებს მადლობა გამოუცხადა გაწეული შრომისათვის და სიგელებით დააჯილდოვა.

დაჯილდოვებას ესწრებოდნენ: თეთრიწყაროს მუნიციპალიტეტის მერი გიორგი ქორიძე, მერის მოადგილეები მალხაზ სამაშვილი და ბერდია ხვისტანი, ქ.თეთრიწყაროს №1 საჯარო სკოლის პედაგოგები და მოსწავლეები.

  5 ივნისს თეთრიწყაროს მერიის საკონფერენციო დარბაზში გამართულ სამუშაო შეხვედრაზე წყლისა და წყალარინების პროექტების ტექნიკური დიზაინის შედგენის საკითხებზე იმსჯელეს. რეგიონული და მუნიციპალური ინფრასტრუქტურის განვითარების მეორე პროექტი, „საქართველოს ადგილობრვი თვითმმართველობების ინსტიტუციონალური შესაძლებლობების განვითარება პროექტის ციკლის მართვაში“, მიზნად ისახავს მუნიციპალიტეტების ინსტიტუციონალური შესაძლებლობების განვითარებას მათ ტერიტორიაზე განსახორციელებელი ინფრასტრუქტურული პროექტების ჩამოყალიბებაში, განვითარებაში, შესყიდვასა და მონიტორინგში.

  14 ივნისს ქალაქ თეთრიწყაროში ა.(ა).ი.პ თეთრიწყაროს სამუსიკო სკოლის გაერთიანებამ 2017-2018 სასწავლო წლების შემაჯამებელი კონცერტი გამართა.

  კონცერტში მონაწილეობდნენ კოდის, ასურეთისა და თეთრიწყაროს სამუსიკო სკოლის მოსწავლეები.

  ღონისძიება საანგარიშო-შემაჯამებელი სახის იყო , სადაც ძირითადად წარჩინებული მოსწავლეები მონაწილეობდნენ.

საქართველოს განათლებისა და მეცნიერების სამინისტროს ახალგაზრდობის პოლიტიკის მართვის დეპარტამენტი, მოხალისეობის განვითარების პროგრამის – “საქართველოს მოხალისეს” ფარგლებში, მიმდინარე წლის 6 ივნისიდან 3 ივლისის ჩათვლით აცხადებს კონკურსს  16-დან 25 წლამდე მოხალისეების შერჩევის მიზნით (თითო მუნიციპალიტეტიდან შეირჩევა 2 მოხალისე).

საჯარო რეესტრის ეროვნული საგენტო, საპილოტო პროექტის ფარგლებში აცხადებს 1 (ერთი) ადგილობრივი რეგიონული ფასილიტატორის შერჩევას პროექტის მხარდასაჭერად თეთრიწყაროს მუნიციპალიტეტის დაბა მანგლისში.

დამატებითი ინფორმაციისთვის იხილეთ ბმული

რეგიონული ფასილიტატორი - მანგლისი

  11 ივნისს მერიის საკონფერენციო დარბაზში ა.ა.ი.პ „ინიციატივა რეგიონალური განვითარებისთვის“ პროექტის „ერთად ერთმანეთისთვის“ ფარგლებში მორიგი საინფორმაციო შეხვედრა გაიმართა.
  2018 წლის თებერვლის თვიდან „ინიციატივა რეგიონალური განვითარებისთვის“ პარტნიორ ორგანიზაციასთან „ბავშვი, ოჯახი, საზოგადოება“ ერთად ახორციელებს პროექტს „ერთად ერთმანეთისთვის“, რომლის მიზანია ქვემო ქართლის რეგიონში სმენადაქვეითებულ ბავშვთა ჯანმრთელობისა და მათი განვითარების ხელშემწყობ სოციალურ საკითხებზე ადგილობრივი თემის, მათ შორის ადგილობრივი ხელისუფლების ინფორმირება და ამ კატეგორიის ბავშვთა საჭიროებების ადგილობრივ ბიუჯეტში ასახვა. 
  

  10 ივნისს თეთრიწყაროს მუნიციპალიტეტის მერი გიორგი ქორიძე ე.წ ვარხუნოს დასახლებაში წყაროს მიმდინარე სარეაბილიტაციო სამუშაოებს ადგილზე გაეცნო. 
  რეაბილიტაციის ფარგლებში გათვალისწინებულია წყაროსა და მიმდებარე ტერიტორიის კეთილმოწყობა. 
  სამუშაოებს აწარმოებს ა.ა.ი.პ "თეთრიწყარო წყალი".

  9 ივნისს თეთრიწყაროს მუნიციპალიტეტის მერიამ სოფელ ქოსალარის მოსახლეობას იფთარზე უმასპინძლა, მერის მოადგილეებმა ადგილობრივ მოსახლეობას მუსლიმანებისთვის გამორჩეული წმინდა რამაზანის თვე და დამდეგი რამაზან ბაირამი მიულოცეს.
                  ️იფთარს ესწრებოდნენ: ქვემო ქართლში სახელმწიფო რწმუნებული-გუბერნატორის მოადგილე ზაურ დარგალი, შერიგებისა და სამოქალაქო თანასწორობის საკითხებში სახელმწიფო მინისტრის აპარატის წარმომადგენელი - აიაზ მამედოვი, თეთრიწყაროს მუნიციპალიტეტის მერის მოადგილეები მალხაზ სამაშვილი და ბერდია ხვისტანი და ადგილობრივი მოსახლეობა.

 7 ივნისს დაბა მანგლისში ქვემო ქართლის რეგიონალური კონკურსის ,,კალიგრაფიის მარგალიტები“ ფარგლებში, გამარჯვებულ კონკურსანტთა ნამუშევრების გამოფენა და დაჯილდოვება გაიმართა.
 კონკურსში ქვემო ქართლის რეგიონის შვიდივე მუნიციპალიტეტის კერძო და საჯარო სკოლების II-XII კლასის 800-მდე მოსწავლე მონაწილეობდა. მათგან 64 გამარჯვებული გამოვლინდა აქედან 4 თეთრიწყაროს №1 საჯარო სკოლის VII-XI კლასის მოსწავლეები: მარიამ ბურდული, თათია ძირკვაძე, მაია თევდორაშვილი და ლიკა ძირკვაძე.

  საქართველოს სახელმწიფოებრივი დამოუკიდებლობის აღდგენის 100 წლისთავთან დაკავშირებით, თეთრიწყაროს მუნიციპალიტეტის მერიის და ა.ა.(ი).პ „კულტურისა და საბიბლიოთეკო დაწესებულებების გაერთიანება - კულტურის ცენტრის“ ორგანიზებით

26 მაისს ქალაქ თეთრიწყაროში კულტურის ცენტრთან არსებული შემოქმედებითი ჯგუფების მონაწილეობით დამოუკიდებლობის აღდგენის დღე გრანდიოზულად აღინიშნა.

 26 მაისის კვირეულის ფარგლებში ქალაქ თეთრიწყაროში ფეხბურთის ჩემპიონატი გაიმართა. ჩემპიონატში მონაწილეობას იღებდნენ: თეთრიწყაროს მუნიციპალიტეტის მერიის, თეთრიწყაროს სახანძრო-სამაშველო განყოფილების, ააიპ „თეთრიწყაროს სპორტული სკოლის“ და შ.პ.ს „ჯავახავტოგზის“ საფეხბურთო გუნდები.

24 მაისს კოდის საზოგადოებრივ ცენტრში, საქართველოს გაერთიანებული წყალმომარაგების კომპანიის ინიციატივით, სოფელ კოდის წყალმომარაგების სისტემის რეაბილიტაციის პროექტის საჯარო განხილვა მოეწყო.

შეხვედრას წყალმომარაგების კომპანიის წარმომადგენლებთან ერთად, თეთრიწყაროს მუნიციპალიტეტის მერის პირველი მოადგილე მალხაზ სამაშვილი, ადგილობრივი მოსახლეობა და მერიის შესაბამისი სამსახურის თანამშრომლები ესწრებოდნენ.

„მშვიდობის, დემოკრატიის და განვითარების კავკასიური ინსტიტუტი” თეთრიწყაროს მუნიციპალიტეტში ახორციელებს პროექტს „ადგილობრივი თემი და ხელისუფლება განვითარებისთვის“, რომელიც მიზნად ისახავს თემის მდგრადი განვითარების შესაძებლობების შექმნას ადგილობრივ პრობლემებზე მოსახლეობის და ხელისუფლების ერთობლივი რეაგირების გზით.

  26 მაისის კვირეულის ფარგლებში, ქალაქ თეთრიწყაროში მდებარე კულტურისა და დასვენების პარკში მოეწყო სპეციალური საგამოფენო სივრცე, სადაც წარმოდგენილი იყო: საქართველოს მუნიციპალიტეტების ჰერალდიკა, მხარეთმცოდნეობის მუზეუმის მიერ საქართველოს დამოუკიდებლობის აღდგენის დღესთან დაკავშირებული ფოტომასალა, სახელოვნებო სკოლის ხელოვნების ნიმუშები, მოეწყო ადგილობრივი მეწარმეების პროდუქციის, ხელნაკეთი თოჯინების და ყვავილების გამოფენა-გაყიდვა.