სიახლეების გამოწერა

  10 ოქტომბერს თეთრიწყაროს მუნიციპალიტეტის სოფელ ასურეთს სტუმრად ეწვია გერმანიის ასპერგის მუნიციპალიტეტის წარმომადგენელი და ექსპერტი ნარჩენების მართვის საკითხებში ლუდვიგ სტრეფი, საქართველოსა და სამხრეთ კავკასიაში ევანგელიურ-ლუთერანული ეკლესიის ეპისკოპოსი მარკუს შოხი და საქართველოში ევროკავშირის წარმომადგენელი გოეც მარტინ-როზინი.

 უცხოელ სტუმრებს შეხვდნენ ადგილობრივი თვითმმართველობის წარმომადგენლები: თეთრიწყაროს მუნიციპალიტეტის მერი გიორგი ქორიძე, მერის მოადგილე ბერდია ხვისტანი, თეთრიწყაროს განვითარების ფონდის ხელმძღვანელი ლევან ლაბახუა.. ვიზიტის ფარგლებში სტუმრებმა დაათვალიერეს სოფელი ასურეთი და იქ არსებული გერმანული მხატვრულ-არქიტექტურული ღირებულების კულტურული მემკვიდრეობის ძეგლები: ღვინის მარანი, ლუთერანული ეკლესია. მოინახულეს საოჯახო მარნები და გერმანელთა სასაფლაო. ადგილობრივი ხელისუფლების წარმომადგენლებმა სტუმრებს გააცნეს ასურეთის განვითარების გეგმა, განიხილეს ასპერგის და თეთრიწყაროს მუნიციპალიტეტების დამეგობრების და სამომავლო თანამშრომლობის საკითხები.

  8 ოქტომბერს ქალაქ თეთრიწყაროში სახალხო დღესასწაული „გარისობა 2018“ მასშტაბურად აღინიშნა.
კულტურისა და დასვენების პარკში შეკრებილი საზოგადოება მანგლისისა და თეთრიწყაროს მიტროპოლიტმა მეუფე ანანია ჯაფარიძემ დალოცა. ღონისძიების მონაწილეებს სახალხო დღესასწაული მიულოცეს თეთრიწყაროს მაჟორიტარმა დეპუტატმა გოდერძი ჩანქსელიანმა და ქვემო ქართლში სახელმწიფო რწმუნებულმა-გუბერნატორმა შოთა რეხვიაშვილმა.
ღონისძიების ფარგლებში მოეწყო თეთრიწყაროში მცხოვრები საქართველოს სხვადასხვა კუთხის და ეთნოსის წარმომადგენელთა საგამოფენო სივრცეები. ეთნოგრაფიული კუთხე წარმოადგინა თეთრიწყაროს მხარეთმცოდნეობის მუზეუმმა, თეთრიწყაროს სახელოვნებო სკოლის და კოდის სათემო განათლების ცენტრის მიერ, გაიმართა ტრადიციული და გამოყენებითი ხელოვნების ნიმუშების გამოფენა-გაყიდვა, პირობით მსჯავრდებულთა ნამუშევრები წარმოადგინა ქვემო ქართლის პრობაციის ბიურომ. 
საგამოფენო სივრცეში აგრეთვე წარმოდგენილი იყო ტურიზმის კუთხე, ღია ბიბლიოთეკა, RDFG-ის საინფორმაციო კუთხე, მოძრავი თოჯინების თეატრი და სხვა საბავშვო-გასართობი აქტივობები. გაიმართა სპორტული შეჯიბრებები სპორტის სხვადასხვა სახეობაში. მოეწყო ადგილობრივი მეწარმეების მიერ წარმოებული პროდუქციის გამოფენა. 
თეთრიწყაროს კულტურისა და საბიბლიოთეკო დაწესებულებების გაერთიანება -კულტურის ცენტრთან არსებულმა ანსამბლებმა შეასრულეს ხალხური ცეკვები და სიმღერები. 
საზოგადოების წინაშე მრავალფეროვანი რეპერტუარით წარსდგა ანსამბლი „ჩვენებურები“. 
სახალხო დღესასწაულის სახელწოდება „გარისობა“ უკავშირდება ქ. თეთრიწყაროს ისტორიულ სახელწოდებას“. გარისობა, როგორც ქალაქის დღესასწაული გასულ წლებში მასშტაბურად აღინიშნებოდა მოსახლეობის მაღალი ჩართულობით, ხოლო გასული საუკუნის 90-იანი წლებიდან დავიწყებას მიეცა. აღსანიშნავია, რომ ადგილობრივი თვითმმართველობის ინიციატივით, 2017 წლიდან კვლავ ჩაეყარა საფუძველი დღესასწაულის აღნიშვნას. 
ღონისძიებას ესწრებოდნენ: ქვემო ქართლის სამხარეო ადმინისტრაციის და ადგილობრივი თვითმმართველობის წარმომადგენლები, აგრეთვე ქვემო ქართლის მხარეში შემავალი მუნიციპალიტეტების მერები და საკრებულოს თავმჯდომარეები, სასულიერო პირები, მოწვეული სტუმრები და ადგილობრივი მოსახლეობა.

  სახალხო დღესასწაულის „გარისობა 2018“ საზეიმო ღონისძიებების ფარგლებში, 8 ოქტომბერს ააიპ კულტურისა და საბიბლიოთეკო დაწესებულებების გაერთიანება - კულტურის ცენტრში, ახალი საბავშვო საესტრადო სიმღერების სტუდია „ცისარტყელა“ გაიხსნა.

ღონისძიებას ესწრებოდნენ: თეთრიწყაროს მუნიციპალიტეტის მერი გიორგი ქორიძე და მერიის თანამშრომლები.
აღსანიშნავია, რომ „ცისარტყელა“ პირველი საბავშვო სტუდიაა, რომელიც ქ.თეთრიწყაროში გაიხსნა და ააიპ კულტურისა და საბიბლიოთეკო დაწესებულებების გაერთიანება - კულტურის ცენტრთან არსებულ ანსამბლებთან ერთად, სამომავლოდ აქტურად ჩაერთვება სხვადასხვა ღონისძიებებში.

  სოფელ მაწევნამდე მისასვლელი, 3,2 კილომეტრიანი საავტომობილო გზის მოასფალტების სამუშაოები ინტენსიურად მიმდინარეობს. საავტომობილო გზაზე უკვე მოეწყო ასფალტის პირველი ფენა.

თეთრიწყაროს მუნიციპალიტეტის მერმა გიორგი ქორიძემ და მერის მოადგილემ ბერდია ხვისტანმა, მერიის შესაბამისი სამსახურების წარმომადგენლებთან ერთად, მიმდინარე სამუშაოები ადგილზე დაათვალიერეს. აღსანიშნავია, რომ სოფლამდე მისასვლელი საავტომობილო გზა სრულად იყო ამორტიზირებული და მისი მოწესრიგება სოფლის მოსახლეობისათვის მთავარ პრიორიტეტს წარმოადგენდა.

პროექტით გათვალისწინებული სამუშაოების დასრულება ხელშეკრულებით გათვალისწინებულია 2019 წლის 2 იანვარს. შედეგად უსაფრთხო და კომფორტული გადაადგილების პირობით ისარგებლებს 375 პირდაპირი და არაპირდაპირი ბენეფიციარი. პროექტის ფარგლებში გათვალისწინებულია ეზოებთან მისასვლელების მოასფალტებაც. სამუშაოებს ახორციელებს ტენდერში გამარჯვებული კომპანია „ჯეუგრუპი“ პროექტის სახელშეკრულებო ღირებულება - 771 724 ლარი.

  5 ოქტომბერს, თეთრიწყაროს მუნიციპალიტეტის მერი გიორგი ქორიძე მოადგილეებთან ერთად, საქართველოში ეუთოს დემოკრატიული ინსტიტუტებისა და ადამიანის უფლებების დეპარტამენტის სადამკვირვებლო მისიის წარმომადგენლებს: ემა ვინსენტს (ავსტრია) და რიჩარდას რამოშკას (ლიტვა) შეხვდა. თეთრიწყაროს მუნიციპალიტეტის მერმა გიორგი ქორიძემ მისიის წარმომადგენლებს ინფორმაცია მიაწოდა წინასაარჩევნო გარემოს, მუნიციპალიტეტის მოსახლეობის ეთნიკური შემადგენლობის და სოციალურ-ეკონომიკური მდგომარეობის შესახებ. მისია, 28 ოქტომბრის საპრეზიდენტო არჩევნებზე დასაკვირვებლად, ოფიციალურად მოწვეული იქნა საქართველოს მთავრობის მიერ. ეუთოს დემოკრატიული ინსტიტუტებისა და ადამიანის უფლებების დეპარტამენტმა, ვიზიტით მოავლინა სადამკვირვებლო მისია 14 საერთაშორისო ექსპერტის და 28 გრძელვადიანი დამკვირვებლის შემადგენლობთ, რომლებიც განაწილებულნი არიან მთელი ქვეყნის მასშტაბით.

 დამკვირვებლები მონიტორინგი გაუწევენ და თვალყურს მიადევნებენ წინასაარჩევნო კამპანიას, საარჩევნო ადმინისტრაციისა და შესაბამისი სახელმწიფო ორგანოების მუშაობას, საკანონმდებლო მოთხოვნების შესრულებას, მედია გარემოს და საარჩევნო დავების გადაწყვეტას.

  4 ოქტომბერს გამართულ შეხვედრაზე, საქართველოს სავაჭრო-სამრეწველო პალატის წარმომადგენლებმა გიორგი ვეკუამ და ნიკა მარკოზაშვილმა ადგილობრივ მეწარმეებს მიაწოდეს ინფორმაცია პალატის სერვისებისა და იმ პროექტების შესახებ რომელიც ხორციელდება საქართველოს მასშტაბით როგორც მცირე და საშუალო, ისე მსხვილი საწარმოების ხელშეწყობის მიზნით. შეხვედრაზე ასევე განიხილეს სამომავლო თანამშრომლობის საკითხები. პალატის წარმომადგენლებმა ადგილობრივი მეწარმეებისაგან მოისმინეს ინფორმაცია ბიზნესსექტორის საჭიროებების შესახებ და გაუწიეს შესაბამისი კონსულტაციები.

საქართველოს სავაჭრო-სამრეწველო პალატა ქართული ბიზნესის განვითარებისათვის ახორციელებს სხვადასხვა აქტივობებს, აგრეთვე ინტენსიურად თანამშრომლობს პარტნიორებთან, გეგმავს და მართავს ბიზნეს-ფორუმებს, აკავშირებს უცხოურ კომპანიებს ქართველ მეწარმეებთან და თითოეულ მათგანს საქმიანობაში წარმოქმნილი სირთულეების დაძლევაში ეხმარება.

  3 ოქტომბერს თეთრიწყაროს მუნიციპალიტეტის მერიაში გენდერული თანასწორობის საკითხებზე შეხვედრა გაიმართა.

სახალხო დამცველის გენდერის რეგიონულმა წარმომადგენელმა მარიამ გვიდიანმა, თეთრიწყაროს მუნიციპალიტეტის თვითმმართველობის თანამშრომლებს და ადმინისტრაციულ ერთეულებში მერის წარმომადგენლებს მიაწოდა ინფორმაცია გენდერული თანასწორობის მიღწევის საკითხებში სახალხო დამცველის მანდატისა და მუნიციპალიტეტის როლის შესახებ, აგრეთვე განიხილა სექსუალური შევიწროების და ქალთა პოლიტიკური მონაწილეობის საკითხები. შეხვედრის დასასრულს გაიმართა დისკუსია, მარიამ გვიდიანმა ამომწურავად უპასუხა დასმულ შეკითხვებს.

შეხვედრას ესწრებოდნენ: მერის პირველი მოადგილე მალხაზ სამაშვილი, თეთრიწყაროს მუნიციპალიტეტის გენდერული თანასწორობის საბჭოს წევრები, მერიისა და საკრებულოს თანამშრომლები.

  2 ოქტომბერს თეთრიწყაროს მუნიციპალიტეტის მერის სათათბირო ორგანოს - სამოქალაქო მრჩეველთა საბჭოს მორიგი სხდომა გაიმართა. დღის წესრიგის შესაბამისად, დოკუმენტზე „თეთრიწყაროს მუნიციპალიტეტში ტურიზმის განვითარების სტრატეგია“ საბჭოს თავმჯდომარემ, გულიკო შოშიტაშვილმა მრჩეველთა საბჭოს შენიშვნები და რეკომენდაციები წარმოადგინა. საბჭომ ერთხმად მხარი დაუჭირა მას და მერიას სათანადო რეკომენდაციები შესთავაზა. თეთრიწყაროს მუნიციპალიტეტის 2018 წლის კულტურის სტრატეგიის განხორციელების მოკლევადიან სამოქმედო გეგმასთან დაკავშირებით, მრჩეველთა საბჭოს მიერ გაცემულ რეკომენდაციებზე წერილობითი განმარტებები წარადგინა მერიის განათლების, კულტურის, სპორტისა და ახალგაზრდულ საქმეთა განყოფილების უფროსმა, ფატიმა შავაძემ. საბჭომ მოიწონა მუნიციპალიტეტის საპასუხო განმარტებები. სამოქალაქო მრჩეველთა საბჭომ მესამე საკითხად თეთრიწყაროს მუნიციპალიტეტის 2019-2021 წლებში განსახორციელებელი ინფრასტრუქტურული პროექტების სამოქმედო გეგმა მოისმინა, რომელიც მერიის არქიტექტურისა და მშენებლობის განყოფილების უფროსმა, ნატო ალთუნაშვილმა გააცნო საბჭოს წევრებს.

სხდომა აქტიური კითხვა-პასუხისა და დიალოგის რეჟიმში წარიმართა. სხდომის ოქმი შეგიძლიათ იხილოთ მუნიციპალიტეტის ვებ-გვერდზე:

http://tetritskaro.gov.ge/files/uploads/%E1%83%9D%E1%83%A5%E1%83%9B%E1%83%98-8.pdf

  2 ოქტომბერს ქ. თეთრიწყაროში „ნიუ ჰოსპიტალსი“-ს ორგანიზებით და თეთრიწყაროს მუნიციპალიტეტის მერიის მხარდაჭერით, სისხლის უანგარო დონაციის აქცია გაიმართა. დონორთა მიერ გაღებული სისხლი გადაუდებელი დახმარების საჭიროების მქონე პაციენტებს მოხმარდებათ.

აქციაში მონაწილეობა მიიღეს მუნიციპალიტეტის მერიისა და საკრებულოს თანამშრომლებმა.

  2018 წლის 23-30 სექტემბერს ევროპის სპორტის კვირეულის ფარგლებში, თეთრიწყაროს მუნიციპალიტეტში დაიგეგმა და განხორციელდა სპორტულ-შემეცნებით აქტივობები კვირეული გაიხსნა 24 სექტემბერს, ქ.თეთრიწყაროში კულტურისა და დასვენების პარკში, ხოლო კვირეულის დახურვის ღონისძიება 30 სექტემბერს დაბა მანგლისის ცენტრალურ პარკში გაიმართა. სპორტული შეჯიბრებები მოეწყო ჭადრაკში, ნარდში, ბადმინტონში, ასევე გაიმართა მივიწყებული სპორტულ-შემეცნებითი თამაშები ღინღილო, ლახტი, კენჭაობა, კლასობანა, წრეში ბურთი და სხვ. კვირეულის ფარგლებში აქტიურად იყვნენ ჩართულნი საჯარო სკოლებიც. კვირეულის დასკვნით ღონისძიებაში მონაწილეობდნენ ადგილობრივი ახალგაზრდები, მუნიციპალიტეტის საჯარო სკოლების მოსწავლეები და დაინტერესებული პირები. 

  28 სექტემბერს, თეთრიწყაროს მუნიციპალიტეტში რეგიონული დასაქმების ფორუმი გაიმართა, რომელშიც მონაწილეობა მიიღო ქვემო ქართლის რეგიონის 20-მდე მსხვილმა დამსაქმებელმა და 200-მდე სამუშაოს მაძიებელმა. ფორუმის ფარგლებში დაინტერესებულ პირებს საშუალება ჰქონდათ გაცნობოდნენ რეგიონში მოქმედ კომპანიებს და მათი აქტიური ვაკანსიების შესახებ მიეღოთ ინფორმაცია. ასევე ადგილზე გაცნობოდნენ ფორუმზე წარმოდგენილ დამსაქმებელთა შემოთავაზებებსა და პირობებს.

ფორუმი გაიმართა ასოციაცია სამხარეო განვითარება მომავალი საქართველოსთვის (RDFG)-ის დასაქმების პროგრამის ფარგლებში და სოციალური მომსახურების სააგენტოსთან თანამშრომლობით. ფორუმი გახსნეს და დასაქმების პროგრამის მნიშვნელობაზე ისაუბრეს RDFG-ის თეთრიწყაროს განვითარების პროექტის მენეჯერმა ნელი რევაზიშვილმა, RDFG_ის დასაქმების პროგრამის მრჩეველმა ლელა მაისურაძემ და სოციალური სააგენტოს დასაქმების პროგრამების დეპარტამენტის უფროსმა მარიამ ბეზარაშვილმა.

დასაქმების ფორუმი მიზნად ისახავს ადგილობრივ სამუშაოს მაძიებლებს არსებულ ვაკანსიებთან წვდომა გაუადვილოს, ხოლო დამსაქმებლებს კი ახალი კვალიფიციური კადრების მოძიებაში დაეხმაროს. ფორუმზე ასევე წარმოდგენილი იყო ევროკავშირის მხარდაჭერით მიმდინარე RDFG-ის თეთრიწყაროს განვითარების პროექტის ფარგლებში გამოცხადებული პირველი საგრანტო კონკურსის რამდენიმე გამარჯვებულიც. RDFG-ის დასაქმების პროგრამა ხორიელდება ევროკავშირის მხარდაჭერით მიმდინარე პროექტის „სოფლის მდგრადი განვითარება თეთრიწყაროს მუნიციპალიტეტში“ ფარგლებში და უმუშევარ ადგილობრივ მოსახლეობას სოციალურ და შრომით ინკლუზიაში, კარიერის დაგეგმვასა და დასაქმებისათვის აუცილებელი უნარების განვითარებაში ეხმარება.

 ფორუმს მოწვეულ სტუმრებთან ერთად ესწრებოდა თეთრიწყაროს მუნიციპალიტეტის მერის პირველი მოადგილე მალხაზ სამაშვილი. 

  სოფელ ქოსალარში, 11 სექტემბერს ქვემო ქართლის გუბერნატორის შოთა რეხვიაშვილის და თეთრიწყაროს მუნიციპალიტეტის თვითმმართველობის წარმომადგენლების მოსახლეობასთან შეხვედრისას, ადგილობრივების მიერ სასმელი წყლის ხელმისაწვდომობასთან დაკავშირებით დასახელებული პრობლემის გადასაჭრელად, წყალმომარაგების შიდა ქსელზე შესაბამისი სამუშაოები აქტიურად მიმდინარეობს. შედეგად უზრუნველყოფილი იქნება მოსახლეობაში სასმელი წყლის თანაბარი განაწილება და წყლის რესურსების რაციონალური ხარჯვა. წყალმომარაგების გაუმჯობესებისათვის მიმდინარე სამუშაოებს ადგილზე გაეცნენ თეთრიწყაროს მუნიციპალიტეტის მერის პირველი მოადგილე მალხაზ სამაშვილი, მერის მოადგილე ბერდია ხვისტანი და ააიპ თეთრიწყარო წყალის დირექტორი გიორგი გოცირიძე. სამუშაოებს ახორციელებს ააიპ „თეთრიწყარო წყალი“.

  ა.ა.ი.პ. “თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება-კულტურის ცენტრი”-ს ორგანიზებით, 27 სექტემბერს დაბა მანგლისის საკათედრო ტაძრის ეზოში მცირე წარმოდგენა გაიმართა, რომელიც აფხაზეთის ომის ტრაგიკული მოვლენების გახსენებას მიეძღვნა.

  27 სექტემბერს თეთრიწყაროს მუნიციპალიტეტში აფხაზეთის ომის ტრაგიკული მოვლენები გაიხსენეს და პატივი მიაგეს საქართველოს ტერიტორიული მთლიანობისთვის დაღუპულ მებრძოლთა ხსოვნას.

ადგილობრივი თვითმმართველობის წარმომადგენლებმა სასულიერო პირებთან, დაღუპულთა ოჯახის წევრებთან და ახლობლებთან ერთად დაბა მანგლისში აფხაზეთის ომში გარდაცვლილი გმირების საფლავები გვირგვინებით შეამკეს. დაღუპულთა სულის მოსახსენიებელი პანაშვიდი გადაიხადა მანგლისის ღვთისმშობლის მიძინების საკათედრო ტაძარის მოძღვარმა მამა გიორგი მალხაზიშვილმა.

აფხაზეთის ომის მოვლენები გაიხსენეს სოფელ ასურეთშიც და პატივი მიაგეს ბაბუშერას აეროპორტთან დატრიალებული ტრაგედიის დროს დაღუპული მებრძოლების ხსოვნას. გარდაცვლილთა სულის მოსახსენიებელი პანაშვიდი ასურეთის ტაძრის მოძღვარმა მამა გიორგი ფეიქრიშვილმა გადაიხადა. 1993 წლის 22 სექტემბერს თვითმფრინავი, რომლის ბორტზეც სამხედრო პოლიციის თანამშრომლები, სპეცდანიშნულების რაზმის წევრები, გვარდიის მებრძოლები, მოხალისეები, ექთნები და სამოქალაქო პირები იყვნენ, ბაბუშერას აეროპორტთან, ზღვიდან ნასროლი სითბური რაკეტით ჩამოაგდეს. თვითმფრინავში 132 ადამიანი იყო, რომელთაგან 108 დაიღუპა. საბედისწერო რეისის მგზავრებს შორის შვიდი მებრძოლი იყო სოფელ ასურეთიდან: ძმები - სოსო და კობა გურგენიძეები, მათი ბიძაშვილი როსტომ გურგენიძე, ხვიჩა კაციტაძე, ჯუმბერ (ელგუჯა) გოცირიძე, ბესიკ მურუსიძე და დათო ავალიანი. თეთრიწყაროს მუნიციპალიტეტის მერია საქართველოს ტერიტორიული მთლიანობისათვის ბრძოლაში დაღუპულთა ოჯახებზე გასცემს ფულად დახმარებას 500 ლარის ოდენობით.

  თეთიწყაროს მუნიციპალიტეტის სოფელ სამღერეთში სასმელი წყლის მიწოდების გარეშე დარჩენილ ერთ უბანზე წყალმომარაგების ქსელის მოწყობის სამუშაოები მიმდინარეობს. შედეგად სოფლის მოსახლეობას მოუგვარდება სასმელი წყლის მიწოდებასთან დაკავშირებული პრობლემა.

მიმდინარე სამუშაოები ადგილზე დაათვალიერეს თეთრიწყაროს მუნიციპალიტეტის მერის პირველმა მოადგილემ მალხაზ სამაშვილმა, მერის მოადგილემ ბერდია ხვისტანმა და ააიპ თეთრიწყარო წყალის დირექტორმა გიორგი გოცირიძემ. სამუშაოებს ახორციელებს ააიპ „თეთრიწყარო წყალი“.

  2018 წლის სექტემბრიდან კონსულტაციებისა და ტრენინგების ცენტრი განაგრძობს პროექტს „ადგილობრივი მოსახლეობის განვითარების ინიციატივა“ მე-6 ფაზის განხორციელებას. პროგრამა ინიცირებულია და დაფინანსებულია BP-სა და მისი პარტნიორების, ბაქო-თბილისი-ჯეიჰანის ნავთობსადენისა და სამხრეთ კავკასიური გაზსადენის კომპანიების მიერ.

პროექტის ფარგლებში დაგეგმილი ღონისძიებების გაცნობის მიზნით, თეთრიწყაროს მუნიციპალიტეტის მერის პირველი მოადგილე მალხაზ სამაშვილი კონსულტაციებისა და ტრენინგების ცენტრის წარმომადგენლებს შეხვდა და მოისმინა ინფორმაცია პროექტის ფარგლებში 2012-2018 წლებში თეთრიწყაროს მუნიციპალიტეტში განხორციელებულ საქმიანობების შესახებ.

პროექტის მიზანია, ბაქო-თბილისი-ჯეიჰანის ნავთობსადენისა და სამხრეთ კავკასიური გაზსადენის აღმოსავლეთ ნაწილში მდებარე თემების განვითარების ხელშეწყობა. აღნიშნული პროექტის მოქმედების არეალი თეთრიწყაროს მუნიციპალიტეტის 14 სოფელს მოიცავს. დაგეგმილი საქმიანობები ითვალისწინებს სოციალური ჯგუფების მდგრადი ფორმების განვითარებას, სოფლის ინფრასტრუქტურის პროექტების განხორციელებას, მცირე ბიზნესის განვითარების ხელშეწყობას.

  სასმელი წყლის სანიტარიისა და ჰიგიენის სფეროში არსებული გამოწვევების ეფექტიანად გადაჭრისათვის, თეთრიწყაროს მუნიციპალიტეტის მერია აქტიურად თანამშრომლობს გარემოსდაცვითი არასამთავრობო ორგანიზაციების ქსელთან (CENN). WASH საკითხების (წყალი, სანიტარია და ჰიგიენა) მოგვარების მიზნით, მიმდინარე წლის ოქტომბრის თვიდან განხორციელდება ერთობლივი საპილოტე პროექტები თეთრიწყაროს მუნიციპალიტეტის სოფელ გოლთეთის საჯარო სკოლაში და სოფელ წინწყაროს საბავშვო ბაღში: შეიცვლება სასმელი წყლის ავზები და დამონტაჟდება ფილტრები, შემოიღობება გოლთეთის სკოლის ტერიტორია. სამომავლო გრძელვადიანი თანამშრომლობის მიზნით, გაფორმდა ურთიერთთანამშრომლობის მემორანდუმიც, რომელიც ინიცირებულია ევროკავშირის ფინანსური მხარდაჭერით მიმდინარე CENN-ის პროექტის „წყალი სიღარიბის აღმოსაფხვრელად“ ფარგლებში.

აღსანიშნავია, რომ 2018 წელს ჩამოყალიბდა თეთრიწყაროს WASH საბჭო, რომლის შემადგენლობაშიც ადგილობრივი თვითმმართველობის წარმომადგენლებთან ერთად შედიან ადგილობრივი მოსახლეობა და სხვა დაინტერესებული მხარეების წარმომადგენლები. საბჭო სამომავლოდ აქტიურ მონაწილეობას მიიღებს WASH საკითხების მოგვარებაში და არაფორმალურ საგანმანათლებლო პროგრამებში. 

  20 სექტემბერს „რუსთავქალაქობა 2018“-ის ფარგლებში, თეთრიწყაროს მუნიციპალიტეტის მერიამ, რუსთავის ისტორიული ციხის ტერიტორიაზე წარმოადგინა ეთნოგრაფიული კუთხე - ,,შუა საუკუნეების სოფელი“. ეთნოგრაფიული მასალებით გაფორმებულ, სპეციალურ საგამოფენო სივრცეში წარმოდგენილი იყო ტრადიციული რეწვის ნიმუშები: ნაქარგები, თექა, ქვილთი და სხვ. შესრულდა ქართული ხალხური ცეკვები და სიმღერები. ღონისძიების ყველა მონაწილე შემოსილნი იყვნენ საქართველოს სხვადასხვა კუთხისათვის დამახასიათებელი სამოსით.

ღონისძიებას ესწრებოდნენ: თეთრიწყაროს მუნიციპალიტეტის მერი გიორგი ქორიძე, მერიის განათლების, კულტურის, სპორტისა და ახალგაზრდულ საქმეთა სამსახურის უფროსი - ვაჟა სულხანიშვილი თანამშრომლებთან ერთად. ღონისძიებაში მონაწილეობა მიიღეს: ააიპ "თეთრიწყაროს სახელოვებო სკოლამ“, ააიპ ,,თეთრიწყაროს მუნიციპალიტეტის კულტურისა და საბიბლიოთეკო დაწესებულებების გაერთიანება-კულტურის ცენტრმა” და კოდის სათემო განათლების ცენტრმა. 

  20 სექტემბერს, თეთრიწყაროს მუნიციპალიტეტის მერიაში თეთრიწყაროს განვითარების ჯგუფის (LAG) საერთო კრების შეხვედრაზე, ევროკავშირის მიერ მხარდაჭერილი პროექტის „სოფლის მდგრადი განვითარება თეთრიწყაროს მუნიციპალიტეტში“ფარგლებში, ასოციაციამ „სამხარეო განვითარება მომავალი საქართველოსთვის“ და თეთრიწყაროს ლაგის წევრებმა პირველი საგრანტო კონკურსის გამარჯვებულები გამოავლინეს. 
შეხვედრის განმავლობაში მოხდა საგრანტო კონკურსის პროცესების მიმოხილვა, კონკურსის საბოლოო შედეგების კენჭისყრა და დამტკიცება. შეხვედრის მონაწილეებმა ასევე განიხილეს აღნიშნული პროექტის ფარგლებში, დაგეგმილი მეორე საგრანტო კონკურსის გამოცხადების პერიოდი და პირობები. შეხვედრას ესწრებოდნენ RDFG-ის წარმომადგენლები, თეთრიწყაროს განვითარების ჯგუფის წევრები და თეთრიწყაროს მუნიციპალიტეტის მერიის წარმომადგენლები. 
აღნიშნული პროექტის პირველი საგრანტო კონკურსის ფარგლებში დაფიქსირდა 264 იდეა და წარდგენილ იქნა 127 საპროექტო განაცხადი, აქედან სრული საპროექტო განაცხადით კონკურსში მონაწილეობას იღებდა 69 პროექტი. საბოლოო ეტაპზე შეფასების კომისიის წინაშე წარდგა 37 აპლიკანტი, ხოლო შეხვედრაზე კენჭისყრის შედეგად საბოლოოდ მხარდაჭერილ იქნა 37 პროექტი. 
საგრანტო კონკურსის მიზანია, თეთრიწყაროს განვითარების ჯგუფის (LAG) მიერ შემუშავებული, თეთრიწყაროს განვითარების სტრატეგიით დასახულ პრიორიტეტებზე დაყრდნობით, მუნიციპალიტეტში ცხოვრების დონისა და სოციო-ეკონომიკური მდგომარეობის გაუმჯობესება. აღნიშნული სტრატეგიიდან გამომდინარე, გრანტები გაიცემა სტრატეგიით დასახული პრიორიტეტების მისაღწევად.
პროექტი „სოფლის მდგრადი განვითარება თეთრიწყაროს მუნიციპალიტეტში“ ხორციელდება ასოციაციის „სამხარეო განვითარება მომავალი საქართველოსთვის“ (RDFG) მიერ სოფლისა და სოფლის მეურნეობის განვითარების ევროპის სამეზობლო პროგრამის ENPARD-ის მეორე ფაზის ფარგლებში. ENPARD II სოფლის განვითარების ევროპულ მოდელს „ლიდერს” (LEADER) იყენებს. მისი მიზანია, სოფლის განვითარებაში ჩართოს ადამიანები, როგორც განმახორციელებელი პირები და არა როგორც მოსარგებლეები. აღნიშნული მიდგომით შესაძლებელი ხდება სოფლის სამომავლო განვითარება, რისთვისაც კონკრეტულ ტერიტორიაზე ადგილობრივი განვითარების ჯგუფები (LAG) იქმნება, როგორცვრცლად