სიახლეების გამოწერა

თეთრიწყაროს მუნიციპალიტეტის მერიის ორგანიზებით, 8 აპრილს, დაბა მანგლისში გამწვანების აქცია გაიმართა. აქციის ფარგლებში, მანგლისის ფიჭვნარში (ე.წ. „პატარა როშა“), საჯარო სკოლის ეზოში და სხვა ტერიტორიებზე დაირგო 200-ზე მეტი ფიჭვის და ცაცხვის ნერგები. აქციაში მონაწილეობა მიიღეს: თეთრიწყაროს მუნიციპალიტეტის მერმა გიორგი ქორიძემ და მერიის თანამშრომლებმა, პედაგოგებმა, სკოლის მოსწავლეებმა და შპს „თეთრიწყაროს კეთილმოწყობისა და დასუფთავების სამსახურის“ თანამშრომლებმა,

აქციის მიზანი იყო, მწვანე საფარის აღდგენის ხელშეწყობა და მანგლისის, როგორც საკურორტო-რეკრეაციული ზონის, ეკოლოგიური გარემოს გაჯანსაღება. გამწვანების ღონისძიებები დაგეგმილია ქ. თეთრიწყაროში, კულტურისა და დასვენების პარკში და სოფელ ღოუბანში ყოფილი ნაგავსაყრელის ტერიტორიაზე.

5 აპრილს ქვემო ქართლში სახელმწიფო რწმუნებულის ადმინისტრაციის და თეთრიწყაროს მუნიციპალიტეტის მერიის ორგანიზებით, ტურისტული კომპანიების წარმომადგენლებისათვის და დამოუკიდებელი გიდებისათვის, საინფორმაციო ტური გაიმართა. მოწვეულმა სტუმრებმა მოინახულეს უძველესი ისტორიული ციხე-ქალაქი სამშვილდე, ასევე მოინახულეს ალგეთის წყალსაცავის და ბირთვისის კანიონის მისადგომები, სოფელ ასურეთში (ელიზაბეტტალი) არსებული გერმანული მემკვიდრეობა, გერმანული საოჯახო მარნები და გაეცნენ ადგილობრივი ღვინის - „შალას“ (ასურეთული შავი) წარმოების პროცესს და შენახვის ტექნოლოგიებს. სტუმრებს, სამშვილდის არქეოლოგიური ექსპედიციის მიერ ჩატარებული კვლევის შედეგები გააცნო ექსპედიციის ხელმძღვანელმა, არქეოლოგმა, პროფესორმა დავით ბერიკაშვილმა გააცნო. მომსახურების სერვისის გაცნობის მიზნით, ტურიზმის სფეროს წარმომადგენლები თეთრიწყაროში მდებარე საოჯახო სასტუმროს - „მხატვრის სახლს“ და კვების ობიექტებს ესტუმრნენ.

საინფორმაციო ტურის მიზანს წარმოადგენდა ტურიზმის სფეროს წარმომადგენლებისათვის თეთრიწყაროს ტურისტული პოტენციალის გაცნობა და წარმოჩენა. საინფორმაციო ტურში მონაწილეობა მიიღეს თეთრიწყაროს მუნიციპალიტეტის მერმა გიორგი ქორიძემ, ქვემო ქართლში სახელმწიფო რწმუნებულის მოადგილემ კახა კობერიძემ, ადგილობრივი თვითმმართველობის სამსახურის უფროსმა ლევან ჟვანიამ და მერიის სოფლის მეურნეობის და ეკონომიკის განვითარების ხელშეწყობის სამსახურის უფროსმა ვალერიან სუხიტაშვილმა. სტუმრებს მეგზურობა გაუწიეს მერიის ეკონომიკის, მცირე ბიზნესისა და ტურიზმის განვითარების ხელშეწყობის განყოფილების სპეციალისტმა ლამარა ბექაურმა და მხატვარმა ია არსენიშვილმა.

როგორც ცნობილია, თეთრიწყაროს მუნიციპალიტეტი ისტორიულ-კულტურული მემკვიდრეობის და ბუნების უნიკალური ძეგლების სიმრავლით, ჩვენი ქვეყნის ერთ-ერთი გამორჩეული და შთამბეჭდავი მხარეა. ტურიზმის განვითარების და არსებული პოტენციალის წარმოჩენის მიზნით, თეთრიწყაროს მუნიციპალიტეტის მერია, ქვემო ქართლში სახელმწიფო რწმუნებულის ადმინ

2006 წელს საქართველოს პარლამენტის 20 დეკემბრის #4173 დადგენილებით განხორციელდა ქალაქ თბილისის, გარდაბნის და მცხეთის მუნიციპალიტეტების ადმინისტრაციული საზღვრების ცვლილება. დედაქალაქის ადმინისტრაციულ საზღვრებში 23 დაბა და სოფლის ტიპის დასახლება მოექცა. მისი ფართობი დაახლოებით 154 კვ.კმ-ით გაიზარდა და 504 კვ.კმ. შეადგინა. ქალაქის ადმინისტრაციულ-ტერიტორიული საზღვრები დადგენილი იქნა 1:50000 მასშტაბის ტოპოგრაფიულ რუკაზე, შესაბამისი სადემარკაციო სამუშაოების განხორციელების გარეშე. აღნიშნული ხარვეზის აღმოსაფხვრელად 2007 წლის 16 იანვრის სახელმწიფო შესყიდვის შესახებ #011402/101/96 ხელშეკრულების თანახმად (იხ. დანართი), ქალაქ თბილისის მერიის ურბანული დაგეგმარების საქალაქო სამსახურის ხელმძღვანელობით, დადგენილი მეთოდოლოგიის შესაბამისად, შპს „საინჟინრო-საძიებო სამსახურმა“ განახორციელა დედაქალაქის ადმინისტრაციული საზღვრების ტოპოგრაფიული აგეგმვა UTM WGS-84 საკოორდინატო სისტემაში. პროექტის ფარგლებში განხორციელდა საკადასტრო და სარეესტრო ნაკვეთების, ორთოფოტო გადაღების მოძიება და კამერალური დამუშავება, თბილისის საზღვრების რეკოგნოსცირება, წერტილების განსაზღვრა ნიშნების ჩასამაგრებლად. დამზადდა ნიშნები, მოხდა ჩამაგრებული წერტილების ფოტოფიქსაცია და ქალაქზე გატარებული საზღვრების აღწერა. ჩატარებული სამუშაოების საფუძველზე შედგა ციფრული რუკები.

ჩატარებული სამუშაოების შედეგად დედაქალაქის ადმინისტრაციული საზღვრის კონფიგურაციამ ცვლილება განიცადა, განსაკუთრებით მის ჩრდილოეთ და აღმოსავლეთ ნაწილში, მცხეთისა და გარდაბნის მუნიციპალიტეტების მომიჯნავედ. შეიცვალა ფართობიც და კორექტირებული ვერსიის მიხედვით 502 კვ.კმ. შეადგინა.

ქალაქ თბილისის საკრებულოს 2013 წლის 28 იანვრის #1-4 გადაწყვეტილების და 2014 წლის 5 დეკემბრის #16-35 და #16-41 დადგენილებებით განისაზღვრა ქალაქ თბილისის მუნიციპალიტეტის ადმინისტრაციული ერთეულების - რაიონების და რაიონების ტერიტორიული ერთეულების - უბნების საზღვრები. რაიონებისა და უბნების ადმინისტრაციული საზღვრისპირა მონაკვეთების განსაზღვრისას საფუძვლად აღებულ იქნა 2007 წელს სადემარკაციო სამუშაოების შედეგად კორექტირებული კონტური, რამაც ცდომილება გამოიწვია პარლამენტის 2006 წლისა და საკრებულოს 2013-2014 წლების აქტების ტექსტურ და გრაფიკულ ნაწილებს შორის.

აღსანიშნავია, რომ ადმინისტრაციული საზღვრების კონფიგურაციის ცვლილება გავლენას მოახდენს, როგორც გარდაბნისა და მცხეთის მუნიციპალიტეტების საზღვრებზე, ასევე თეთრიწყაროს მუნიციპალიტეტის ადმინისტრაციულ საზღვრებზეც. ყოველივე ზემოაღნიშნულიდან გამომდინარე, დედაქალაქისა და მისი მოსაზღვრე მუნიციპალიტეტების დაზუსტებული საზღვრის სამართლებრივ აქტებში ჰარმონიზაციის მიზნით, გიგზავნით ქალაქ თბილისის მუნიციპალიტეტის მერის N12-031901590-03 წერილს თანდართულ დოკუმენტაციასთან ერთად და გთხოვთ იმოქმედოთ კანონმდებლობის შესაბამისად.

29 მარტს თეთრიწყაროს მუნიციპალიტეტის საკრებულომ,  2019 წლის სოფლის მხარდაჭერის პროექტის ფარგლებში დასაფინანსებელი ინფრასტრუქტურული პროექტები მოიწონა.

2019 წელს სოფლის მხარდაჭერის პროგრამის ფარგლებში განსახორციელებლი პროექტებისათვის, საქართველოს რეგიონული განვითარების ფონდიდან, თეთრიწყაროს მუნიციპალიტეტისათვის გამოყოფილი თანხა 884 000 ლარს შეადგენს, რომელიც შესაბამისი დასახლების საერთო კრებების და რეგისტრირებულ ამომრჩეველთან გამართული კონსულტაციების საფუძველზე და მოსახლეობის საერთო საჭიროებებიდან გამომდინარე, სხვადასხვა ინფრასტრუქტურული პროექტების განხორციელებაში დაიხარჯება.

საქართველოს მთავრობის 2018 წლის 28 დეკემბრის   №654 დადგენილებით დამტკიცებული „საქართველოს რეგიონებში განსახორციელებელი  პროექტების ფონდიდან სოფლის მხარდაჭერის პროგრამის ფარგლებში დასაფინანსებელი პროექტების შერჩევის პროცედურებისა და კრიტერიუმების“  შესაბამისად, 2019 წლის 23 იანვრიდან, 8 თებერვლის ჩათვლით, თეთრიწყაროს მუნიციპალიტეტში, დასახლების საერთო კრებები და მოსახლეობასთან  კონსულტაციები გაიმართა 78 დასახლებულ პუნქტში. საერთო კრებებს მუნიციპალიტეტის მასშტაბით დაესწრო 3530 ადამიანი.

განკარგულება 23.pdf

წყლის რესურსების საერთაშორისო დღესთან დაკავშირებით, 22 მარტს დაბა მანგლისის საჯარო სკოლის მოსწავლეებმა და პედაგოგებმა გარემოსდაცვითი აქცია გაიმართეს. აქციის მონაწილეებმა საყოფაცხოვრებო ნარჩენებისაგან დაასუფთვეს დაბა მანგლისის ფიჭვნარის ე.წ. „დიდი როშის“ ტერიტორია.

აღსანიშნავია, რომ გარემოსდაცვით კამპანიებში თეთრიწყაროს მუნიციპალიტეტი აქტიურად არის ჩართული. 2019 წელს, წყლის რესურსების დაცვის დღე აღინიშნება მოწოდებით „არავინ დავტოვოთ მიღმა“.

21 მარტს ქ.მარნეულში ტრადიციული, ეთნიკური ხასიათის დღესასწაული - ნოვრუზ ბაირამი საზეიმო ღონისძიებებით აღინიშნა. ააიპ თეთრიწყაროს სახელოვნებო სკოლამ და კოდის სათემო განათლების ცენტრმა დღესასწაულთან დაკავშირებით, საგამოფენო კუთხეები მოაწყო და ტრადიციული რეწვის და ხელოვნების სხვა ნიმუშები წარმოადგინა. ღონისძიებაში ჩართული იყო თეთრიწყაროს მუნიციპალიტეტის სოფელ ქოსალარში მცხოვრები მოსახლეობაც, ადგილობივებმა ხელნაკეთი ნივთები და ტრადიციული ტკბილეული წარმოადგინეს.

ეთნიკურ აზერბაიჯანელ მოსახლეობას დღესასწაული მიულოცეს: საქართველოს პრემიერ-მინისტრმა მამუკა ბახტაძემ, მინისტრთა კაბინეტის წევრებმა, ქვემო ქართლში სახელმწიფო რწმუნებულმა შოთა რეხვიაშვილმა, დიპლომატიური კორპუსის და ქვემო ქართლის რეგიონში შემავალი მუნიციპალიტეტების წარმომადგენლებმა.

მამუკა ბახტაძემ თეთრიწყაროს საგამოფენო კუთხე დაათვალიერა და მუნიციპალიტეტის წარმომადგენლებს გაესაუბრა. ნოვრუზი აღმოსავლური ერების დიდი ნაწილის ტრადიციული, ეთნიკური ხასიათის დღესასწაულია. 2009 წლის 28 სექტემბრის იუნესკოს სამიტზე ნოვრუზი ოფიციალურად იქნა შეტანილი კაცობრიობის არამატერიალური კულტურული მემკვიდრეობის სიაში.

თეთრიწყაროს მუნიციპალიტეტის მერიის მხარდაჭერით, დაუნის სინდრომის საერთაშორისო დღის აღსანიშნავად, ააიპ „თეთრიწყაროს ახალგაზრდულ ცენტრში“ ღონისძიება გაიმართა, რომელშიც ასეთი სინდრომის მქონე მოზარდებმა და ადგილობრივმა ახალგაზრდებმა მიიღეს მონაწილეობა.

შეხვედრას, თეთრიწყაროს მუნიციპალიტეტის მერი გიორგი ქორიძე, მერის მოადგილე ბერდია ხვისტანი და მერიის თანამშრომლები დაესწრნენ. გიორგი ქორიძემ და ბერდია ხვისტანმა დაუნის სინდრომის მქონე პატარებს: მიშა შავაძეს და რატი ხოზრევანიძეს სამახსოვრო საჩუქრები გადასცეს. გიორგი ქორიძე ბავშვების მშობლებსაც გაესაუბრა და მათ საჭიროებებს გაეცნო.

ადგილობრივი ახალგაზრდები დაუნის სინდრომის მქონე მოზარდებთან ერთად, ჩართულნი იყვნენ სხადასხვა აქტივობებში და ერთობლივი სამახსოვრო ფოტოებიც გადაიღეს. ღონისძიების მიზანი იყო, დაუნის სინდრომის მქონე ადამიანების წახალისება და საზოგადოებრივ ცხოვრებაში მათი ჩართულობის ხელშეწყობა. გაერთიანებული ერების ორგანიზაციის მიერ, 21 მარტი დაუნის სინდრომის საერთაშორისო დღედ 2011 წელს გამოცხადდა და მსოფლიოს ყველა ქვეყანაში აღინიშნება სხვადასხვა მასშტაბური ღონისძიებებით.

ააიპ „თეთრიწყაროს კულტურისა და საბიბლიოთეკო დაწესებულებების გაერთიანება - კულტურის ცენტრმა“ დაუნის სინდრომის მქონე პატარებს დაუვიწყარი დღესასწაული აჩუქა. 

5 წლის მიშა შავაძემ და 13 წლის რატი ხოზრევანიძემ, დაუნის სინდრომის მსოფლიო დღე, კულტურის ცენტრის საბავშვო სტუდიის პატარებთან ერთად, მხიარულ გარემოში აღნიშნეს. 

დაუნის სინდრომი დაავადება კი არა, გენეტიკური ცვლილებაა.
დაუნის  სინდრომით იბადება ყოველი 800 ბავშვიდან ერთი.
დაუნის  სინდრომი არც მემკვიდრეობითია და არც გადამდები.
დაუნი არ შეიძლება გამოიყენებოდეს დამაკნინებელ სიტყვად – დაუნი არის მეცნიერი, რომელმაც პირველმა აღწერა ეს სინდრომი.

21 მარტი დაუნის სინდრომის საერთაშორისო დღეა! 
#ჩვენვართმეგობრები!
#ჩვენარვითვლითქრომოსომებს!
დაუნის სინდრომი დაავადება კი არა, გენეტიკური ცვლილებაა.
დაუნის სინდრომით იბადება ყოველი 800 ბავშვიდან ერთი.
დაუნის სინდრომი არც მემკვიდრეობითია და არც გადამდები.
დაუნი არ შეიძლება გამოიყენებოდეს დამაკნინებელ სიტყვად – დაუნი არის მეცნიერი, რომელმაც პირველმა აღწერა ეს სინდრომი.

თეთრიწყაროს მუნიციპალიტეტის მერია გილოცავთ ნოვრუზ ბაირამის დღესასწაულს!

  19 მარტს ქ. თეთრიწყაროს №1 საჯარო სკოლაში ეროვნული ინტელექტ-ჩემპიონატი „ეტალონი“ გაიმართა, რომელშიც თეთრიწყაროს მუნიციპალიტეტის საჯარო სკოლების წარმატებულმა მოსწავლეებმა მიიღეს მონაწილეობა. 
მიღებული ქულების მიხედვით, „2019 წლის თეთრიწყაროს ეტალონი მოსწავლის“ წოდება ქ. თეთრიწყაროს №1 საჯარო სკოლის XI კლასის მოსწავლეს მათე ალთუნაშვილს მიენიჭა. მეორე ადგილზე გავიდა №1 საჯარო სკოლის XI კლასის მოსწავლე მარიამ თეგაძე, ხოლო მესამე ადგილის მფლობელი ქ. თეთრიწყაროს №2 საჯარო სკოლის XI კლასის მოსწავლე დიანა აკოფიანი გახდა. მაღალი ქულები დააგროვეს ასევე დიდი თონეთის, ერტისის, ჭივჭავის, წინწყაროს, ენაგეთის და ქ. თეთრიწყაროს №1 საჯარო სკოლების მოსწავლეებმა. 
თეთრიწყაროს მუნიციპალიტეტის მერმა გიორგი ქორიძემ კონკურსის მონაწილეებს მიღწეული შედეგები მიულოცა და საჩუქრად ვიზუალური ენციკლოპედია-ფოტოპედია გადასცა. “ეტალონის“ წამყვანმა გოჩა ტყეშელაშვილმა „2017-2018 სასწავლო წლის თეთრიწყაროს ეტალონ მოსწავლეს“, ნინო ახუაშვილს გამარჯვება კიდევ ერთხელ მიულოცა და სკოლის ღირსეული წარმოჩენისთვის ოქროს ფონდის წევრობის დამადასტურებელი დიპლომი გადასცა. 
ღონისძიებას ესწრებოდნენ: ქვემო ქართლში სახელმწიფო რწმუნებულის ადმინისტრაციის ადგილობრივი თვითმმართველობის ორგანოებთან ურთიერთობის სამსახურის უფროსი ლევან ჟვანია, მერის პირველი მოადგილე მალხაზ სამაშვილი, მერიის ჯანმრთელობისა და სოციალური უზრუნველყოფის განათლების, კულტურის, სპორტისა და ახალგაზრდულ საქმეთა სამსახურის უფროსი ვაჟა სულხანიშვილი, თეთრიწყაროს საგანმანათლებლო რესურსცენტრის წარმომადგენლები, სკოლის პედაგოგები და მშობლები. 
თეთრიწყაროს მუნიციპალიტეტის მერია ულოცავს ინტელექტ-ჩემპიონატის „ეტალონის“ გამარჯვებულ მოსწავლეს მათე ალთუნაშვილს მიღწეულ შედეგს და წარმატებას უსურვებს ვრცლად