სიახლეების გამოწერა

თეთრიწყაროს მუნიციპალიტეტის მერიის დაფინანსებით, ქალაქ თეთრიწყაროს მეორე საბავშვო ბაღში სარეაბილიტაციო სამუშაოები მიმდინარეობს. პროექტის მიხედვით გათვალისწინებულია არსებული საპირფარეშოების,სამზარეულოს, სასადილო ოთახებისა და პანდუსის მოწყობა/რეაბილიტაცია.

შედეგად 70-მდე აღსაზრდელი განახლებულ გარემოში გააგრძელებს სკოლამდელი განათლების მიღებას.

ადგილობრივი მოსახლეობისთვის შესაბამისი სტანდარტების, სკოლამდელი აღზრდისა და განათლების თანაბარი ხელმისაწვდომობა თეთრიწყაროს მუნიციპალიტეტის თვითმმართველობის ერთ-ერთ პრიორიტეტს წარმოადგენს.

სამუშაოები მიმდინარე წლის  18 სექტემბერს დაიწყო და დასრულება ხელშეკრულებით გათვალისწინებულია 4 ნოემბერს.

პროექტის ჯამური ღირებულება ხელშეკრულების მიხედვით 135 808,84 ლარს შეადგენს.სარეაბილიტაციო სამუშაოებს ახორციელებს ტენდერში გამარჯვებული კომპანია შპს „ინ.გრუპი“.