სიახლეების გამოწერა

თეთრიწყარო 2: 0 ხაიში

საფეხბურთო ჩემპიონატის ,,მოყვარულთა თასი 2020“-ის ფარგლებში, ქალაქ თეთრიწყაროში, გარისის მოედანზე გამართულ საფეხბურთო ტურნირზე გამარჯვებული გუნდი გამოვლინდა, რომელიც რეგიონალურ შეჯიბრში „11:11-ზე მოყვარულთა ლიგა“ იასპარეზებს.

საფეხბურთო თამაშები იმართება ,,მოყვარულთა თასი 2020“ -ის სამოყვარულო საფეხბურთო ჩემპიონატის ფარგლებში, რომელსაც ახორციელებს საქართველოს სამოყვარულო ფეხბურთის ასოციაცია და საქართველოს ფეხბურთის ფედერაცია, ქართული ფეხბურთის განვითარების ფონდთან და თეთრიწყაროს მუნიციპალიტეტის მერიასთან თანამშრომლობით.

თეთრიწყაროს მუნიციპალიტეტის მერია ხელს უწყობს ახალგაზრდა თაობებში ჯანსაღი ცხოვრების წესის დამკვიდრებასა და სპორტის პოპულარიზაციას.

ჩემპიონატს მუნიციპალიტეტის მერიის ჯანდაცვისა და სოციალური უზრუნველყოფის, განათლების, კულტურის, სპორტისა და ახალგაზრდულ საქმეთა სამსახურის უფროსი ვაჟა სულხანიშვილი და ააიპ „თეთრიწყაროს კულტურისა და სპორტის ცენტრის“ თანამშრომლები ესწრებოდნენ.