სიახლეების გამოწერა

29-30 აგვისტოს ქალაქ თეთრიწყაროში, გარისის მოედანზე, ქ. თეთრიწყაროსა და ხაიშის საფეხბურთო გუნდების ფინალური შეჯიბრი ანგარიშით ფრედ 1:1 დამთავრდა.

საფეხბურთო თამაშები იმართება ,,მოყვარულთა თასი 2020“ -ის სამოყვარულო საფეხბურთო ჩემპიონატის ფარგლებში, რომელსაც ახორციელებს საქართველოს სამოყვარულო ფეხბურთის ასოციაცია და საქართველოს ფეხბურთის ფედერაცია, ქართული ფეხბურთის განვითარების ფონდთან და თეთრიწყაროს მუნიციპალიტეტის მერიასთან თანამშრომლობით.
თეთრიწყაროს მუნიციპალიტეტში გამარჯვებულის გამოსავლენად განმეორებითი ფინალური ტური უახლოეს დღეებში გაიმართება და გამარჯვებული საფეხბურთო გუნდი იასპარეზებს შემდგომ რეგიონალურ ტურნირზე.

ჩემპიონატის მიზნებია: ფეხბურთის მასობრიობის გაზრდა, ჯანსაღი ცხოვრების წესის დამკვიდრება და პოპულარიზაცია საზოგადოებაში ასევე ნიჭიერი ახალგაზრდა ფეხბურთელების აღმოჩენა.

ტურნირს ესწრებოდნენ: თეთრიწყაროს მუნიციპალიტეტის მერი გიორგი ქორიძე, მერის მოადგილე ბერდია ხვისტანი, მერიის ჯანდაცვისა და სოციალური უზრუნველყოფის, განათლების, კულტურის, სპორტისა და ახალგაზრდულ საქმეთა სამასურის უფროსი ვაჟა სულხანიშვილი, ააიპ „თეთრიწყაროს კულტურისა და სპორტის ცენტრის“ ხელმძღვანელი დავით ყაზახაშვილი.