სიახლეების გამოწერა

მოსახლეობის მოთხოვნის შესაბამისად თეთრიწყაროს მუნიციპალიტეტის სოფელ ბორბალოსა და ღოუბანში 2,5 კილომეტრიანი საავტომობილო გზის რეაბილიტაცია მიმდინარეობს. პროექტი ითვალისწინებს არსებული გზის  გაფართოებას, ორფენიანი ასფალტო-ბეტონის გზის საფარისა და სანიაღვრე არხების მოწყობა-რეაბილიტაციას.

მიმდინარე სამუშაოებს თეთრიწყაროს მუნიციპალიტეტის მერი გიორგი ქორიძე, ზედამხედველობის სამსახურის წარმომადგენლებთან ერთად ადგილზე გაეცნო.

სამუშაოების განხორციელება მიმდინარე წლის მაისში დაიწყო და დასრულება ხელშეკრულებით გათვალისწინებულია სექტემბრის ბოლოს. შედეგად  განახლებული საგზაო ინფრასტრუქტურით  ისარგებლებს ბორბალოს, ღოუბნის და მიმდებარე სოფლების მოსახლეობა დაახლოებით 1000-მდე პირდაპირი ბენეფიციარი. პროექტი დაფინანსებულია რეგიონებში განსახორციელებელი პროექტების ფონდიდან და მისი ჯამური ღირებულება 1 430 055  ლარს შეადგენს. სამუშაოებს აწარმოებს ტენდერში გამარჯვებული კომპანია შპს „მილენიუმ ბილდერს გრუპ”.