მთავარი
ბიუჯეტი
ტენდერი
პროექტები
აუქციონი
პეტიციის დამატება
გამოკითხვა
ფოტო გალერეა
გარემოს დაცვისა და სოფლის მეურნეობის სამინისტროს სოფლისა და სოფლის მეურნეობის განვითარების სააგენტოს დირექტორმა ილია თამარაშვილმა, ქვემო ქართლში სახელმწიფო რწმუნებულმა შოთა რეხვიაშვილმა და თეთრიწყაროს მუნიციპალიტეტის მერმა - გიორგი ქორიძემ, სოფელ წინწყაროში მდებარე რძის გადამამუშავებელი საწარმო „წინწყარო+“ დაათვალიერეს და საწარმოო პროცესს ადგილზე გაეცნენ.
►საწარმო „წინწყარო+“ სახელმწიფო პროგრამის „შეღავათიანი აგროკრედიტის“ ფარგლებში, გაფართოვდა. საწარმოში სპეციალური დანადგარები შეიძინეს, რის შედეგადაც, ყველის წარმოებას, რძისა და მაწვნის წარმოების ხაზი დაემატა.
► საწარმოში დამატებით 225,000 ლარის ინვესტიცია განხორცილდა, საიდანაც შეღავათიანი აგროკრედიტი 155,000 ლარია.
►სახელმწიფოს დახმარების შედეგად საწარმო დღიურად 5 ტონით მეტ რძეს გადაამუშავებს.
► საწარმოში დასაქმებულია 25 ადგილობრივი მაცხოვრებელი.
►წარმოებული პროდუქციის რეალიზაციას, საწარმო ბრენდით „წინწყარო+“ თბილისის მაღაზიებში ახდენს.
სოფლისა და სოფლის მეურნეობის განვითარების სააგენტო ახორციელებს „ერთიან აგროპროექტს“, რომელიც გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას, სურსათის უვნებლობის საერთაშორისო სტანდარტების დანერგვას.
2013 წლიდან დღემდე, სახელმწიფოს დახმარებით, „ერთიანი აგროპროექტის“ ფარგლებში, 200-ზე მეტი ახალი საწარმო დაფინანსდა, ხოლო 900-ზე მეტი გაფართოვდა.
