სიახლეების გამოწერა

6 ივლისს თეთრიწყაროს მუნიციპალიტეტის მერიაში, სოფელ ჯორჯიაშვილსა და ხაიშში გამართულ აქციებთან დაკავშირებით სამუშაო შეხვედრა გაიმართა, რომელსაც თეთრიწყაროს მუნიციპალიტეტის მერის მოადგილე ბერდია ხვისტანი, საქართველოს მელიორაციის ალგეთი-ტბისი-კუმისის სერვისცენტრის უფროსი პაატა აბაშიძე , ადგილობრივი მოსახლეობა და მერის წარმომადგენლები ესწრებოდნენ.
აღსანიშნავია, რომ შეხვედრის ფარგლებში მხარეებმა მოსახლეობის ინტერესების გათვალისწინებით წყლის ოპტიმალურ განაწილებაზე იმსჯელეს, რათა რწყვის სეზონის მომდევნო ეტაპებზე მოხდეს წყლის არსებული რესურსის სწორი განაწილება და მოსავლის მიღება მოსახლეობამ შეუფერხებლად განახორციელოს.
თეთრიწყაროს მუნიციპალიტეტის სოფლებისთვის სარწყავი წყლის მიწოდება დღეიდან 10 დღის განმავლობაში უწყვეტად განხორციელდება, ხოლო შემდგომში წყლის მიწოდების პერიოდულობასთან დაკავშირებით მომდევნო დღეებში იმსჯელებენ.