სიახლეების გამოწერა

ქალაქ თეთრიწყაროში 4 ქუჩის რეაბილიტაცია მიმდინარეობს. ამჯერად რეაბილიტაცია უტარდება ბარნოვის, ბესიკის, ოძელაშვილის ქუჩებსა და ჭავჭავაძის ჩიხს, პროექტის ფარგლებში მოეწყობა ასფალტო-ბეტონის 1400 მეტრამდე საავტომობილო გზის მონაკვეთი. აღსანიშნავია, რომ ბოლო წლების განმავლობაში  ქალაქ  თეთრიწყაროში რეაბილიტაცია ჩაუტარდა 10 კილომეტრამდე საავტომობილო გზას.  

სამუშაოები მიმდინარე წლის აპრილში დაიწყო და დასრულება ხელშეკრულებით გათვალისწინებულია ივლისის ბოლოს. პროექტები რეგიონებში განსახორციელებელი პროექტების ფონდის მიერაა დაფინანსებული და მათი სახელშეკრულებო ღირებულება  490 000 ლარს შეადგენს.სამუშაოებს ახორციელებს ტენდერში გამარჯვებული კომპანია შპს “გზამშენი 2014”.

მიმდინარე სამუშაოებს თეთრიწყაროს მუნციპალიტეტის მერი გიორგი ქორიძე და მერის პირველი მოადგილე დევი დევიძე ადგილზე გაეცნენ.