სიახლეების გამოწერა

 თეთრიწყაროს მუნიციპალიტეტის მერმა გიორგი ქორიძემ და მერის მოადგილე ბერდია ხვისტანმა სოფელ ბორბალოში მცხოვრებ ფერმერებთან ანტიკრიზისული გეგმით გათვალისწინებული პროგრამების შესახებ საინფორმაციო ხასიათის შეხვედრა გამართეს.

სოფლისა და სოფლის მეურნეობის განვითარების სააგენტოს თეთრიწყაროს საინფორმაციო-საკონსულტაციო ცენტრის მიერ შექმნილი მობილური ჯგუფები, საქართველოს მთავრობის მიერ შემუშავებული ანტიკრიზისული გეგმის „ზრუნვა სოფელზე და ფერმერზე“ ფარგლებში მუნიციპალიტეტის მასშტაბით სასოფლო-სამეურნეო საქმიანობაში ჩართულ პირებს, საწვავის ბარათებს გადასცემენ. აღნიშნული ბარათები უკვე გაიცა სოფელ ასურეთში, ახალსოფელსა და ბორბალოში მცხოვრებ ფერმერებზე, ორშაბათიდან ბარათების გაცემის პროცესი ქალაქ თეთრიწყაროში გაგრძელდება.

დიზელის შეღავათიან ფასად მიღებას შეძლებენ სასოფლო-სამეურნეო მიწის ნაკვეთის მფლობელები, რომელთაც გააჩნიათ საჯარო რეესტრის ეროვნულ სააგენტოში საკუთრებად რეგისტრირებული არანაკლებ 0.25 ჰა მიწის ნაკვეთი. მთავრობის მიერ შემუშავებული ეს ინიციატივა ხელს შეუწყობს ფერმერებს ისარგებლონ დაწესებული შეღავათებით და გააფართოვონ სასოფლო-სამეურნეო საქმიანობა.