სიახლეების გამოწერა

თეთრიწყაროს მუნიციპალიტეტში სოფელ ჯორჯიაშვილის და ბოგვის წყალმომარაგების პროექტის განხორციელებისათვის მოსამზადებელი სამუშაოები დაიწყო. პროექტი ითვალისწინებს მდინარე ალგეთის წყლის რესურსის გამოყენებით, ორი სოფლის მოსახლეობის, ჯამში 1500-მდე ბენეფიციარის სასმელი წყლით უზრუნველყოფას.

პროექტის ფარგლებში მოეწყობა სატუმბი სადგური, საქლორატორო ნაგებობა, რეზერვიუარი, ბიოფილტრი და სასმელი წყლის ცენტრალური მაგისტრალი, მოხდება ინდივიდუალური გამრიცხველიანება და წყლის მიყვანა თითოეულ მოსახლემდე.

პროექტის ღირებულება ჯამში 2 700 000 ლარს შეადგენს.სამუშაოებს აწარმოებს „შპს გზა“. ქვეყანაში კორონავირუსის პანდემიით გამოწვეული მდგომარეობის მიუხედავად, თეთრიწყაროს მუნიციპალიტეტში დაიწყო და ამ ეტაპზე შეუფერხებლად და წესების სრული დაცვით მიმდინარეობს 9 მნიშვნელოვანი ინფრასტრუქტურული პროექტის განხორციელება.

წინამოსამზადებელ სამუშაოებს თეთრიწყაროს მუნიციპალიტეტის მერი გიორგი ქორიძე, მერიის ზედამხედველობის სამსახურის წარმომადგენლებთან ერთად გაეცნო.