სიახლეების გამოწერა

კორონავირუსით გამოწვეული პანდემიის მიუხედავად თეთრიწყაროს მუნიციპალიტეტში საგაზაფხულო სასოფლო-სამეურნეო სამუშაოები ჯანდაცვის სამინისტროს რეკომენდაციების სრული დაცვით, აქტიურად მიმდინარეობს. თეთრიწყაროს მუნიციპალიტეტის მერი გიორგი ქორიძე, მერის მოადგილე ბერდია ხვისტანი ნუშის მეურნეობის ხელმძღვანელთან, თორნიკე ლათათიასთან ერთად სამუშაო პროცესს გაეცნენ. სოფელ ენაგეთის მიმდებარედ 60ჰა მიწის ნაკვეთზე ადგილობრივმა შველიძეების ოჯახმა სახელმწიფო პროგრამა „დანერგე მომავლის“ მრავალწლოვანი ბაღების თანადაფინანსების ფარგლებში ნუშის ბაღი გააშენეს. გაშენების პროცესი 2019 წლიდან დაიწყო, დღეისათვის 27 000-მდე ნერგია დარგული.ადგილზე სეზონურად დასაქმებულია 60 ადგილობრივი, ხოლო სისტემატიურად 12. სახელმწიფო დაფინანსების სახით ბაღების კომპონენტი ითვალისწინებს მრავალწლიანი კულტურების ახალი ბაღების გასაშენებლად პოტენციური ბენეფიციარებისათვის ფინანსური და ტექნიკური დახმარების გაწევას, რომლის ფარგლებშიც სამმა ბენეფიციარმა სახელმწიფო თანადაფინანასების სახით 315 000 ლარი მოიპოვა. აღსანიშნავია, რომ საქართველოს მთავრობის მიერ შემუშავებული ანტიკრიზისული გეგმა - „ზრუნვა სოფელზე და ფერმერზე” 20 მაისიდან ამოქმედდება რომლის ფარგლებშიც ფერმერებს გარკვეული შეღავათებით სარგებლობის საშუალება ექნებათ.