სიახლეების გამოწერა

28 სექტემბერს თეთრიწყაროს მუნიციპალიტეტის ა.ა.ი.პ. ,,თეთრიწყაროს საზოგადოებრივი ჯანდაცვისა და უსაფრთხო გარემოს უზრუნველყოფის ცენტრი“-ს შენობაში ქვემო ქართლის სახელმწიფო რწმუნებულის-გუბერნატორის ბატონ პაატა ხიზანაშვილის ინიციატივითა და თეთრიწყაროს მუნიციპალიტეტის გამგებლის ბესიკ წიკლაურის მხარდაჭერით თვალის მიკროქირურგიის ჯავრიშვილის კლინიკა „ოფთალმიჯი“-ს ექიმებმა უფასო სამედიცინო აქცია გამართეს.

აქციის ფარგლებში ოფთალმოლოგ ექიმებმა უფასო სამედიცინო კონსულტაცია და მომსახურება გაუწიეს თეთრიწყაროს მუნიციპალიტეტში მცხოვრებ მოქალაქეებს, ხოლო იმ მოქალაქეებს რომელთაც აღმოაჩნდათ თვალის დაავადება „კატარაქტა“, რომელიც იწვევს მხედველობის თანდათანობით დაქვეითებას და ესაჭიროებათ ოპერაცია კლინიკა „ოფთალმიჯი“ შემდგომ ეტაპზე მუნიციპალიტეტის მხარდაჭერით, საყოველთაო ჯანდაცვის პროგრამის ფარგლებში პაციენტებს ადგილზე ჩაუტარებს ქირურგიულ მომსახურებას (ოპერაცია). უფასო სამედიცინო აქციის მიმდინარეობას დაესწრო თეთრიწყაროს მუნიციპალიტეტის გამგებელის მოადგილე ლია ზურებიანი, ჯანდაცვის და სოც უზრუნველყოფის, განათლების, კულტურის, სპორტისა და ახალგაზრდულ საქმეთა სამსახურის უფროსი ვაჟა სულხანიშვილი და ადმინისტრაციული სამსახურის უფროსი ბესარიონ ფაღავა.