სიახლეების გამოწერა

თეთრიწყაროს მუნიციპალიტეტში, ცენტრალური და ადგილობრივი ხელისუფლების საერთო ძალისხმევით, გრძელდება სოციალურად დაუცველი, შეჭირვებული ოჯახების დახმარება.

მოსახლეობის სურსათით უზრუნველყოფის პროცესში, აქტიურად არის ჩართული თეთრიწყაროს მაჟორიტარი დეპუტატი გოდერძი ჩანქსელიანი. მან ბენეფიციარებს აღდგომის ბრწყინვალე დღესასწაული მიულოცა და საკუთარი ფინანსური სახსრებით უზრუნველყო, 800-მდე სოციალურად დაუცველი, შეჭირვებული ოჯახის სასურსათო პროდუქტებით დახმარება.

მოსახლეობის დახმარების ინიციატივა გამოთქვა კერძო სექტორმაც. პურ- პროდუქტების მწარმოებელი კომპანია შპს „ბევრილი ჯგუფი“, აქტიურად იღებს მონაწილეობას COVID 19-ის საპრევენციო ღონისძიებებში და მოსახლეობას პურით, ფქვილით და სხვა პირველადი სასურსათო პროდუქტებით ეხმარება.

აღდგომის დღესასწაულთან დაკავშირებით, თეთრიწყაროს მუნიციპალიტეტის მერმა გიორგი ქორიძემ და მერის მოადგილე ბერდია ხვისტანმა ქალაქ თეთრიწყაროში მცხოვრებ მოწყვლადი კატეგორიის ოჯახებს პირველადი სასურსათო პროდუქტისა და ჰიგიენური საშუალებების ამანათები გადასცეს.