სიახლეების გამოწერა

თეთრიწყაროს მუნიციპალიტეტის სოფელ კლდეისის მიმდებარედ ტყის ხანძრის ქრობის სამუშაოები მეოთხე დღეა უწყვეტ რეჟიმში მიმდინარეობს. იწვის ტყის ქვედა საფარი და წაქცეული ხეები.

ამ დროისთვის ცეცხლი ლიკვიდირებულია, ტყის მასივის დაახლოებით 60ჰა ფართობზე და აქტიურად გრძელდება ხანძრის კერების ქრობის სამუშაოები. პროცესში დილიდან ჩაერთო ქვემო ქართლის მასშტაბით მოქმედი საგანგებო სიტუაციების მართვის სამსახურის სამაშველო ძალები.

ადგილზე დილიდან იმყოფება თეთრიწყაროს მუნიციპალიტეტის მერი გიორგი ქორიძე ადგილობრივი თვითმმართველობის წარმომადგენლებთან ერთად.