სიახლეების გამოწერა

14 თებერვალს თეთრიწყაროს მუნიციპალიტეტის მერიის საკონფერენციო დარბაზში ნატოსა და ევროკავშირის შესახებ საინფორმაციო ცენტრის, ქვემო ქართლის ბიუროს ორგანიზებით, საინფორმაციო შეხვედრა გაიმართა.

შეხვედრას უძღვებოდა საქართველოს თავდაცვის სამინისტროს სტრატეგიული კომუნიკაციების სამმართველოს უფროსის მოადგილე , ალექსანდრე კახიძე.
შეხვედრის ძირითად საკითხებს წარმოადგენდა ანტიდასავლური პროპაგანდის საფრთხეების წინააღმდეგ ბრძოლაში, სტრატეგიული კომუნიკაციების მნიშვნელობა და საქართველოს ევროატლანტიკური ინტეგრაციის პროცესში მისი, როგორც ყველაზე მძლავრი ინსტრუმენტის გამოყენება.

შეხვედრის ფარგლებში ისაუბრეს აშშ-ს სახელმწიფო დეპარტამენტისა და საქართველოში აშშ-ს საელჩოს მიერ ნატოსა და ევროკავშირის შესახებ საინფორმაციო ცენტრისთვის გაცემული გრანტის ფარგლებში, მიმდინარე პროექტზე - „დასავლური ინტეგრაციის პროცესის შესახებ ინფორმირებულობისა და ჩართულობის გაზრდა რეგიონებში“, საქართველოს ევროპულ და ევრო-ატლანტიკურ კურსზე, ევროინტეგრაციის მიმართულებით არსებულ მიღწევებზე, გამოწვევებსა და საფრთხეებზე.

აღსანიშნავია, რომ ეს არის პირველი მასშტაბური პროექტი, რომელიც საინფორმაციო ცენტრმა ანტი-დასავლური პროპაგანდისგან მომდინარე საფრთხეების წინააღმდეგ საქართველოს მოსახლეობის სწორად ინფორმირებულობის და ქვეყნის ევროპული და ევრო-ატლანტიკური ინტეგრაციის პროცესების შესახებ ეფექტიანი კომუნიკაციის მიზნით მიიღო.

საინფორმაციო შეხვედრას ესწრებოდნენ:თეთრიწყაროს მუნიციპალიტეტის მერის მოადგილე ბერდია ხვისტანი და მერიისა და საკრებულოს წარმომადგენლები.