სიახლეების გამოწერა

2020 წლის ტურისტულ სეზონს დაბა მანგლისი განახლებული ინფრასტრუქტურით შეხვდება.

დონორი ორგანიზაციის-გერმანიის რეკონსტრუქციისა და განვითარების ბანკის (KFW) მიერ გასული წლის ნოემბერში დაიწყო, მანგლისის ცენტრალური პარკის რეაბილიტაცია. პროექტის მიხედვით სრულად განახლდება პარკის ინფრასტრუქტურა, მოეწყობა სველი წერტილები, ველობილიკები. დამონტაჟდება დასასვენებელი სკამები, საბავშვო ატრაქციონები, განათება და ა.შ.

პროექტის ღირებულება 173 326 ევროს შეადგენს. პროექტი ხორციელდება,პროგრამის „დაცული ტერიტორიების მხარდაჭერის პროგრამა კავკასიაში - საქართველო“ ფარგლებში, გერმანიის რეკონსტრუქციისა და განვითარების ბანკის (kfw) დაფინანსებით, საკონსულტაციო ჯგუფი GFA-ს მიერ. პარკის რეაბილიტაციის პროექტი მომზადებულია თეთრიწყაროს მუნიციპალიტეტის მერიის დაკვეთით. პროექტის დასრულება თებერვლის ბოლომდეა გათვალისწინებული, სამუშაოებს აწარმოებს კომპანია „ჯიემჯი“.

მიმდინარე სამუშაოებს ადგილზე გაეცნენ: ქვემო ქართლში სახელმწიფო რწმუნებული შოთა რეხვიაშვილი, თეთრიწყაროს მუნიციპალიტეტის მერი გიორგი ქორიძე, ალგეთის ეროვნული პარკის ადმინისტრაციის დირექტორი ავთანდილ მჭედლიძე და ადგილობრივი ხელისუფლების სხვა წარმომადგენლები.