სიახლეების გამოწერა

კარგი შესაძლებლობა დამწყები და ბიზნესის გაფართოების მსურველი მეწარმეებისათვის! პროექტის „ადგილობრივი მოსახლეობის განვითარების ინიციატივა“ ფარგლებში, „კონსულტაციისა და ტრენინგის ცენტრი“ აცხადებს საგრანტო კონკურსს სამიზნე თემებში: ახალსოფელი, ზირბითი, დაღეთი, დურნუკი, ირაგა, ივანოვკა, ჯიგრაშენი, ქოსალარი, ქოთიში, სამშვილდე, წინწყარო, ჭივჭავი, ხაიშსა და მარაბდაში მცხოვრები დამწყები და ბიზნესის გაფართოების მსურველი მეწარმეებისათვის. საგრანტო კონკურსის შესახებ, ადგილობრივი თვითმმართველობის ინფორმირების მიზნით, „კონსულტაციისა და ტრენინგის ცენტრი“-ს წარმომადგენელი მაკა პაპუკაშვილი, თეთრიწყაროს მუნიციპალიტეტის მერს გიორგი ქორიძეს შეხვდა და პროექტის მიზნებისა და ამოცანების შესახებ დეტალური ინფორმაცია მიაწოდა. „ადგილობრივი მოსახლეობის განვითარების ინიციატივა“ ინიცირებული და დაფინანსებულია BP-სა და მისი პარტნიორების მიერ ბაქო-თბილისი-ჯეიჰანის ნავთობსადენისა და სამხრეთ კავკასიის გაზსადენის კომპანიებში. პროექტის ერთ-ერთ კომპონენტს წარმოადგენს ბიზნეს საქმიანობის განვითარების მხარდაჭერა. დამწყები ბიზნესის დაფინანსების მაქსიმალური ოდენობაა 3,600 (სამი ათას ექვსასი) ლარი (გრანტის სახით). ბიზნესის გაფართოების დაფინანსების მაქსიმალური ოდენობაა 3,800 (სამი ათას რვაასი) ლარი (გრანტის სახით). ინფორმაცია ვრცლად იხილეთ ბმულზე: https://www.ctc.org.ge/?p=19407&fbclid=IwAR05JK6fbVhDrlizSeYy4s42ApYYnzs9rQg6-6EwPnhX4nm6LdWTzk3AvgE