სიახლეების გამოწერა

უპრეცედენტო თანადგომა და მხარდაჭერა თეთრიწყაროს მუნიციპალიტეტის თვითმმართველობას და მანგლისის მოსახლეობას, ა.ა.ი.პ. მანგლისის განვითარების ფონდისაგან. ფონდმა, თეთრიწყაროს მუნიციპალიტეტის მერიას, დაბა მანგლისში 12 ქუჩის რეაბილიტაციის საპროექტო-სახარჯთაღრიცხვო დოკუმენტაცია უსასყიდლოდ გადასცა. მომზადებული პროექტები სავალდებულო საექსპერტო შეფასების შემდგომ, მუნიციპალიტეტის მერიის მიერ, დაფინანსების მიღების მიზნით, წარედგინება საქართველოს რეგიონული განვითარებისა და ინფრასტრუქტურის სამინისტროს. პროექტებით გათვალისწინებული სამუშაოების ღირებულება 1 194 822 ლარს შეადგენს. საპროექტო დოკუმენტაცია, მანგლისის განვითარების ფონდის წარმომადგენელმა, 31 აგვისტოს, დაბა მანგლისში გამართულ არტ-ფესტივალზე, ოფიციალურად გადასცა თეთრიწყაროს მუნიციპალიტეტის მერიას.