სიახლეების გამოწერა

კოდა 4:1 ირაგა  მასტერ ლიგის თეთრიწყაროს მუნიციპალური ეტაპის პირველი შეჯიბრის შედეგი. შემდეგ ეტაპზე ერთმანეთს შეხვდებიან: ირაგის საფეხბურთო გუნდი და ქ. თეთრიწყაროს საფეხბურთო გუნდი "გარისი". შეჯიბრი 20 აგვისტოს გაიმართება. მუნიციპალურ ეტაპზე გამარჯვებული გუნდი რეგიონალურ ტურნირზე იასპარეზებს. შეჯიბრს ესწრებოდნენ: თეთრიწყაროს მუნიციპალიტეტის მერის პირველი მოადგილე მალხაზ სამაშვილი, მერის მოადგილე ბერდია ხვისტანი, მერიის ჯანდაცვისა და სოციალური უზრუნველყოფის, განათლების, კულტურის, სპორტისა და ახალგაზრდულ საქმეთა სამსახურის უფროსი ვაჟა სულხანიშვილი.

თეთრიწყაროს მუნიციპალიტეტის მერია ხელს უწყობს ახალგაზრდა თაობაში სპორტის პოპულარიზაციას და ცხოვრების ჯანსაღი წესის დამკვიდრებას. მასტერ ლიგა იმართება, ააიპ 7x7 ფეხბურთის ასოციაციის ორგანიზებით, თეთრიწყაროს მუნიციპალიტეტის მერიის, საქართველოს ფეხბურთის ფედერაციის, დედაქალაქის მერიისა და ქართული ფეხბურთის განვითარების ფონდის მხარდაჭერით