სიახლეების გამოწერა

საქართველოს იუსტიციის სამინისტროს სსიპ სახელმწიფო სერვისების განვითარების სააგენტოს დაკვეთით, ქ. თეთრიწყაროში საზოგადოებრივი ცენტრის მშენებლობის პროექტი ხორციელდება. მიმდინარე სამუშაოებს ადგილზე გაეცნენ: თეთრიწყაროს მუნიციპალიტეტის მერი გიორგი ქორიძე, საზოგადოებრივი ცენტრის პროექტის მენეჯერი მარიამ ძაგნიძე, მერის პირველი მოადგილე მალხაზ სამაშვილი და მერის მოადგილე ბერდია ხვისტანი.

თანამედროვე ინფრასტრუქტურით და უახლესი ტექნიკით აღჭურვილ ახალ საზოგადოებრივ ცენტრში, მოსახლეობას 200-ზე მეტი საჯარო და კერძო სერვისით, მათ შორის: სახელმწიფო სერვისების განვითარების სააგენტოს, საქართველოს ეროვნული არქივის, საჯარო რეესტრის ეროვნული სააგენტოს, სოციალური მომსახურების სააგენტოს სერვისებით სარგებლობის საშუალება ექნება. ცენტრში ასევე წარმოდგენილი იქნება პრობაციის სამსახური და კერძო კომპანიები „მაგთიკომი“ და „ლიბერთი ბანკი“ . საზოგადოებრივ ცენტრის კეთილმოწყობილ გარემოში, ხელმისაწვდომი იქნება, თანამედროვე ელექტრონული ბიბლიოთეკა, საკონფერენციო სივრცე, უფასო ინტერნეტი, კომპიუტერები. ცენტრში დასაქმდებიან საგანგებოდ შერჩეული და გადამზადებული ადგილობრივი კადრები, რომლებიც ელექტრონული მმართველობის საშუალებით გასცემენ ცენტრალური ხელისუფლებისა და კერძო სექტორის სერვისებს. საზოგადოებრივი ცენტრის მშენებლობა მიმდინარე წლის ნოემბერში დასრულდება.