სიახლეების გამოწერა

თეთრიწყაროს მუნიციპალიტეტის მერი გიორგი ქორიძე, სოფელ ბორბალოს საექიმო ამბულატორიის შენობის რეაბილიტაციის სამუშაოებს გაეცნო. პროექტის მიხედვით შეიცვლება შენობის სახურავი კარ-ფანჯარა. მერი ბორბალოს საექიმო ამბულატორიაში ვიზიტისას, დამსახურებულ ექიმს, ქალბატონ ლია ვაშაყმაძეს შეხვდა და პირადად მოისმინა ინფორმაცია სამედიცინო დაწესებულების საჭიროებების შესახებ.

აღსანიშნავია, რომ მიმდინარე წელს, ახალი ამბულატორიის შენობა აშენდება სოფელ პანტიანში, ხოლო სოფელ კოდის, ბორბალოს, ვაშლოვნის და ორბეთის ამბულატორიებში განახლდება არსებული ინფრასტრუქტურა, რაც ხელს შეუწყობს სოფლად მოსახლეობის პირველადი ჯანდაცვის მომსახურების სერვისზე ხელმისაწვდომობას.

თეთრიწყაროს მუნიციპალიტეტში ამბულატორიის შენობების მშენებლობა-რეაბილიტაციისათვის, სახელმწიფო ბიუჯეტიდან გამოყოფილია 178 327 ლარი.