სიახლეების გამოწერა

სოფელ მარაბდაში საბავშო ბაღის მიმდინარე სარეაბილიტაციო სამუშაო თეთრიწყაროს მუნიციპალიტეტის მერის პირველმა მოადგილემ მალხაზ სამაშვილმა, მერიის ზედამხედველობის სამსახურის უფროსის მოვალეობის შემრულებელთან ნიკოლოზ სულხანიშვილთან ერთად მოინახულა. საბავშვო ბაღში, პროექტის მიხედვით მოეწყობა სამზარეულო, წყალგაყვანილობისა და კანალიზაციის სისტემები, სველი წერტილები, ასევე პანდუსები შშმ პირთათვის, კეთილმოეწყობა ბაღის ტერიტორია, საბავშვო მოედნები, დამონტაჟდება ატრაქციონები. პროექტის განხორციელების შედეგად, ბაღის აღსაზრდელები ახალი სასწავლო წლიდან კეთილმოწყობილ შენობაში მიიღებენ სკოლამდელ განათლებას. პროექტი დაფინანსებულია ადგილობრივი ბიუჯეტიდან ღირებულება - (ხელშეკრულებით) 128888 ლარი. სამუშაოები მიმდინარე წლის 2 სექტემბრამდე დასრულდება.