სიახლეების გამოწერა

თეთრიწყაროს მუნიციპალიტეტის დაბა მანგლისში, თამარ მეფის ქუჩის 1 კილომეტრიანი საავტომობილო გზის მოასფალტების სამუშაოები მიმდინარეობს. პროექტის მიხედვით, ქუჩაზე მოეწყობა ორფენიანი ასფალტის საფარი, ბეტონის სანიაღვრე კიუვეტები და რეაბილიტაცია ჩაუტარდება ქუჩაზე არსებულ მილხიდს.

სამუშაო პროცესს ადგილზე გაეცნო თეთრიწყაროს მუნიციპალიტეტის მერი გიორგი ქორიძე, მერიის ზედამხედველობის სამსახურის უფროსთან, ნიკოლოზ სულხანიშვილთან ერთად. ხელშეკრულების ღირებულება 728 989 ლარს შეადგენს. სამუშაოები ხელშეკრულების თანახმად, 2019 წლის 30 ნოემბრამდე დასრულდება .

აღსანიშნავია, რომ თამარ მეფის ქუჩის საავტომობილო გზა სრულად ამორტიზირებული იყო. რეაბილიტაციის შედეგად, ადგილობრივი მოსახლეობა და დამსვენებლები ისარგებლებენ კომფორტული და უსაფრთხო გადაადგილების პირობით.