მთავარი
ბიუჯეტი
ტენდერი
პროექტები
აუქციონი
პეტიციის დამატება
გამოკითხვა
ფოტო გალერეათეთრიწყაროს მუნიციპალიტეტის დაბა მანგლისში, თამარ მეფის ქუჩის რეაბილიტაცია იწყება.
სამუშაოების შესრულებაზე ხელშეკრულება თეთრიწყაროს მუნიციპალიტეტის მერიასა და ტენდერში ( NAT190007210) გამარჯვებულ კომპანია შპს ,,ალიანსი-2007“-ს შორის 2019 წლის 3 ივნისს გაფორმდა.
პროექტი ითვალისწინებს თამარ მეფის ქუჩის 1 კილომეტრიანი საავტომობილო გზის მოასფალტებას, მონოლითური ბეტონის კიუვეტების და ეზოს შესასვლელებთან წყალგამტარი ბეტონის ცხაურების მოწყობას, აგრეთვე, ქუჩაზე არსებული მილხიდის გამაგრება-რეაბილიტაციას.
ხელშეკრულების ღირებულება 728989,44 ლარს შეადგენს. მიმწოდებელი ვალდებულია ხელშეკრულებით გათვალისწინებული სამუშაო განახორციელოს 2019 წლის 30 ნოემბრამდე.
აღსანიშნავია, რომ აღნიშნული ქუჩის საავტომობილო გზა სრულად ამორტიზირებულია და გადაადგილება პრობლემას წარმოადგენს განსაკუთრებით ნალექიან ამინდებში. რეაბილიტაციის შედეგად, ადგილობრივი მოსახლეობა - 1 400-ზე მეტი პირდაპირი ბენეფიციარი და დამსვენებლები ისარგებლებენ კომფორტული და უსაფრთხო გადაადგილების პირობით.
