სიახლეების გამოწერა

თეთრიწყაროს მუნიციპალიტეტის მერიამ საჯარო სკოლებში სანიტარულ-ჰიგიენური პირობების მოწესრიგების მიზნით, ტენდერები გამოაცხადა. 

მუნიციპალიტეტის საჯარო სკოლებში ჩატარებული მონიტორინგის შედეგად, პირველად საჭიროებად გამოიკვეთა სკოლების საპირფარეშოებში არსებული მდგომარეობის მოწესრიგება. აღნიშნულის გათვალისწინებით, დაბა მანგლისის №1 საჯარო სკოლაში, დიდი თონეთის, წინწყაროს, ბოგვის, ერტისის, ირაგის,ალექსეევკის, ჭივჭავისა და სამშვილდის საჯარო სკოლების შენობებში მოეწყობა და მოწესიგდება სველი წერტილები, ხოლო ალექსეევკის საჯარო სკოლას პარალელურად ჩაუტარდება სახურავის რეაბილიტაციის სამუშაოები.
სველი წერტილები ასევე მოეწყობა და მეტალოპლასტმასის ფანჯარები დამონტაჟდება ქ. თეთრიწყაროს №2 საჯარო სკოლაში, ხოლო №1 სკოლის შენობაში საკლასო ოთახების კარებები შეიცვლება ახლით.

აღსანიშნავია, რომ ხსენებულ სკოლებში არსებული სანიტარიულ-ჰიგიენური მდგომარეობა გადაუდებელ მოწესრიგებას საჭიროებს, შესაბამისი სამუშაოების განხორციელების შემდგომ, მოსწავლეები და პედაგოგები უზრუნველყოფილნი იქნებიან სანიტარიაზე ხელმისაწვდომობის პირობებით.

ჩასატარებელი სამუშაოების სავარაუდო ღირებულება ჯამში 459 285 ლარს შეადგენს.
მიმდინარე ტენდერების შესახებ ინფორმაცია შეგიძლიათ იხილოთ სახელმწიფო შესყიდვების სააგენტოს ოფიციალურ ვებგვერდზე:http://procurement.gov.ge/. (განცხადების ნომრები: NAT19001024, NAT190010245, NAT190010162, NAT190010159)