სიახლეების გამოწერა

1 ივნისს, ბავშვთა დაცვის საერთაშორისო დღესთან დაკავშირებით, ა.ა.ი.პ თეთრიწყაროს კულტურისა და საბიბლიოთეკო დაწესებულებების გაერთიანება - კულტურის ცენტრმა ბავშვებს დაუვიწყარი დღესასწაული აჩუქა. თეთრიწყაროს მუნიციპალიტეტის მერიის მხარდაჭერით და კულტურის ცენტრის ორგანიზებით, ქ. თეთრიწყაროს კულტურისა და დასვენების პარკში, ბავშვთა გასართობი ღონისძიება გაიმართა. მოეწყო სახალისო ფოტოგადაღება, ხატვის კუთხე, სპორტული თამაშები (ბამბიქტონი, კეგლი, ლახტი, თოკით მძლეოსნობა) და სხვა აქტივობები. კულტურის ცენტრთან არსებულმა საბავშვო სტუდია ,,ცისარტყელას“ მოსწავლეებმა და საბავშვო ბაღების აღსაზრდელებმა საცეკვაო და მუსიკალური პროგრამა წარმოადგინეს, ღონისძების დასასრულს, ანსამბლმა ,,სამებამ“ ფლეშმობი გამართა. ბავშვთა დაცვის საერთაშორისო დღესთან დაკავშირებით,გამართულ ღონისძიებას, თეთრიწყაროს მუნიციპალიტეტის მერი გიორგი ქორიძე შვილებთან ერთად დაესწრო.