სიახლეების გამოწერა

ქ. თეთრიწყაროში თანამედროვე სტანდარტების შესაბამისი, ახალი სპორტული მოედანი აშენდება.
პროექტის მიხედვით, ქალაქში მდებარე ე.წ. გარისის სტადიონის ტერიტორიაზე არსებულ მოედანს ჩაუტარდება სრული რეაბილიტაცია, რომელზეც სამომავლოდ შესაძლებელი იქნება ეროვნული დონის სარაგბო და საფეხბურთო ტურნირების ჩატარება. რეკონსტრუქცია ჩაუტარდება ასევე ტრიბუნას, რომელიც გათვლილი იქნება 405 მაყურებელზე და დამონტაჟდება სკამები. აშენდება გასახდელები თავისი სველი წერტილებით, საზოგადოებრივი საპირფარეშო და ორი ადმინისტრაციული ოთახი.
პროექტი ხორციელდება ასოციაცია სამხარეო განვითარება მომავალი საქართველოსათვის (RDFG)-ის და ააიპ თეთრიწყაროს განვითარების ფონდის მიერ, ევროკავშირის დაფინანსებით მიმდინარე, სოფლისა და სოფლის მეურნეობის განვითარების ევროპის სამეზობლო პროგრამის (ENPARD) ფარგლებში მიღებული გრანტით და თეთრიწყაროს მუნიციპალიტეტის მერიის თანადაფინანსებით . 
პროექტის ჯამური ინვესტიცია 259 958 ლარს შეადგენს. 
სამუშაოების განხორციელება მიმდინარე წლის 27 მაისიდან დაიწყება და სექტემბერში დასრულდება.