სიახლეების გამოწერა

16 მაისს თეთრიწყაროს მუნიციპალიტეტის მერიაში, “ევროკავშირის წყლის ინიციატივა პლუს აღმოსავლეთის პარტნიორობისთვის" (EUWI+) პროექტის ფარგლებში, „წყლის რესურსების მართვის შესახებ“ საქართველოს კანონის პროექტისა და ხრამი-დებედას მდინარეთა აუზის მართვის გეგმის შუალედური შედეგების განხილვა გაიმართა. შეხვედრა გახსნა და მონაწილეებს სიტყვით მიმართა მუნიციპალიტეტის მერიის ადმინისტრაციული სამსახურის უფროსმა ალნერი დარბაიძემ. შეხვედრას ესწრებოდნენ: გარემოს დაცვისა და სოფლის მეურნეობის სამინისტროს, თეთრიწყაროს და წალკის მუნიციპალიტეტების, საქართველოს გაერთიანებული წყალმომარაგების კომპანიის თეთრიწყაროს სერვისცენტრის და საქართველოს მელიორაციის წარმომადგენლები. ასევე “ევროკავშირის წყლის ინიციატივა პლუს აღმოსავლეთის პარტნიორობისთვის" პროექტის გუნდი და სხვა დაინტერესებული მხარეები. გარემოს დაცვისა და სოფლის მეურნეობის სამინისტრომ, “ევროკავშირის წყლის ინიციატივა პლუს აღმოსავლეთის პარტნიორობისთვის" (EUWI+) პროექტის მხარდაჭერით, დაიწყო ხრამი-დებედასა და ალაზანი-იორის მდინარეების აუზების მართვის გეგმების შემუშავება, რომელიც მოიცავს მდინარის მართვის გარემოსდაცვით მიზნებს და ღონისძიებებს მათ მისაღწვად. შეხვედრა მიზნად ისახავდა, ადგილობრივი ხელისუფლების წარმომადგენლების ჩართულობას წყლის რესურსების მართვის პროცესის ახალ რეფორმაში და მდინარის სააუზე მართვის გეგმის შემუშავებისას, მიზნებისა და შესაბამისი ქმედებების განსაზღვრის პროცესში მათ მონაწილეობის უზრუნველყოფას.