სიახლეების გამოწერა

15 მარტს თეთრიწყაროს ახალგაზრდულ ცენტრში საქართველოს სტრატეგიული კვლევებისა და განვითარების ცენტრის (CSRDG) მიერ დაფინანსებული პროექტის ,,ახალგაზრდების
გაძლიერება პოზიტიური ცვლილებებისთვის"” საანგარიშო პრეზენტაცია გაიმართა,
რომელსაც თეთრიწყაროს მუნიციპალიტეტის მერის პირველი მოადგილე მალხაზ
სამაშვილი, საქართველოს სტრატეგიული კვლევევისა და განვითარების ცენტრის წარმომადგენლები, ადგილობრივი ახალგაზრდები და თემით დაინტერესებული პირები
დაესწრნენ.

განხორციელებული აქტივობების, მიღწეული შედეგების, არსებული გამოწვევების და ცენტრის მიერ, სამომავლოდ დასახული გეგმების შესახებ ინფორმაცია აუდიტორიას ცენტრის ხელმძღვანელმა ლუსინე დოსტიბეგიანმა გააცნო.
პროექტის ფარგლებში, ადგილობრივი ახალგაზრდებისათვის ჩატარდა პროექტების წერის, ფონდების მოძიების, აქტიური მოქალაქეობის, მოხალისეობის, ლიდერობის და ა.შ. საგანმანათლებლო ტრენინგები.
თეთრიწყაროს მუნიციპალიტეტის მერია, ადგილობრივ ახალგაზრდებს მხარს უჭერს სამოქალაქო აქტივობების და ინიციატივების განხორციელებაში. მერიამ 2018 წელს თეთრიწყაროს ახალგაზრდულ ცენტრს ფუნქიონირებისათვის, სარგებლობის უფლებით, უსასყიდლო უზუფრუქტის ფორმით, შენობა გადასცა, რომელიც ახალგაზრდებმა სხვადასხვა მცირე საგრანტო პროგრამების დახმარებით, გაარემონტეს და განათავსეს სხვადასხვა სივრცეები. დღეის მდგომარეობით, მოპოვებული გრანტების მეშვეობით, ორგანიზაციას განხორციელებული აქვს 26 677 ლარის ღირებულების საგანმანათლებლო პროექტები. ამასთანავე, თეთრიწყაროს ახალგაზრდული ცენტრი აქტიურად არის ჩართული სოციალურ კამპანიებში, კულტურულ და გარემოსდაცვით ღონისძიებებში. ცენტრში იმართება მუსიკალური და ლიტერატურული საღამოები, თეატრალური წარმოდგენები, ფილმის ჩვენებები, ინტელექტუალური შეჯიბრებები. 
აღსანიშნავია, რომ ორგანიზაციის მოწვევით, ქ. თეთრიწყაროს მშვიდობის კორპუსის მოხალისე ეწვია, რომელიც ცენტრში ადგილობრივ ახალგაზრდებს უფასოდ ასწავლის ინგლისურ ენას.