სიახლეების გამოწერა

  5 თებერვალს სოფლებში:დიდი ირაგა, პატარა ირაგა, ჯიგრაშენი, ალექსეევკა, ივანოვკა, მენკალისი, ნავთიანი, ჭივჭავსა და ჯვარაში გამართულ დასახლების საერთო კრებებს მერის მოადგილეები:მალხაზ სამაშვილი და ბერდია ხვისტანი ესწრებოდნენ. მერის მოადგილეებმა მოსახლეობას მიაწოდეს ინფორმაცია სოფლის მხარდაჭერის პროგრამის შესახებ, ადგილზე გაეცნენ მათ პრობლემებსა და საჭიროებებს და შესაძლებლობების ფარგლოებში ერთად იმსჯელეს გადაჭრის გზებზე. 
სოფელ დიდ ირაგაში მოსახლეობის გადაწყვეტილებით სასაფლაოს მიმდებარე ტერიტორია შემოიღობება და მინი სტადიონი მოეწყობა, 
სოფელ პატარა ირაგაში კომბინირებული მინი სტადიონი და გარე განათების მოწყობა დაიგეგმა, 
სოფელ ჯიგრაშენში გარე განათება და მოსაცდელი მოეწყობა,
სოფელ ალექსეევკაში ამბულატორიის რეაბილიტაცია დაიგეგმა, 
სოფელი ივანოვკის მოსახლეობამ შიდა გზების რეაბილიტაცია აირჩია,
სოფელ მენკალისში სასმელი წყლის სისტემების რეაბილიტაცია და გარე განათება,
სოფელ ნავთიანში გარე განათების ქსელის და გზის მოხრეშვა განხორციელდება,
სოფელ ჭივჭავში სკოლის მიმდებარე ტერიტორია და სარწყავი სისტემების რეაბილიტაცია, ხოლო 
სოფელ ჯვარაში სპორტული ინფრასტრუქტურა და შიდა გზების მოხრეშვა განხორციელდება.
სოფლის კრებებზე მოსახლეობა თავად წყვეტს რა უფრო მნიშვნელოვანი და პრიორიტეტულია მათი დასახლებებისთვის.აღსანიშნავია, რომ სოფლის მხარდაჭერის პროგრამის ბიუჯეტი გაორმაგდა და უკვე მიმდინარე წელს, 20 მილიონის ნაცვლად, სხვადასხვა პროექტზე, 40 მილიონი ლარი დაიხარჯება.