სიახლეების გამოწერა

  4 თებერვალს შეხვეტილას თემის მოსახლეობასთან გამართულ დასახლების საერთო კრებებს მერის პირველი მოადგილე მალხაზ სამაშვილი დაესწრო. მერის მოადგილემ მოსახლეობას მიაწოდა ინფორმაცია სოფლის მხარდაჭერის პროგრამის ფარგლებში დასაფინანსებელი პროექტებისა და შეხვეტილას თემისთვის გამოყოფილი ლიმიტების შესახებ.

სოფელ შეხვეტილაში, ჯვრისხევში, დიდ ნამტვრიანში, პატარა ნამტვრიანში, ქვემო ჭინჭრიანში, ზემო ჭინჭრიანში, ნაპილნარსა და არხოტში მისასვლელი საავტომობილო გზების რეაბილიტაცია განხორციელდება, ხოლო სოფელ კოდისწყაროსა და პატარა ნამტვრიანში სასმელი წყლის სისტემები მოწესრიგდება. 

სოფლის მხარდაჭერის პროგრამის ბიუჯეტი გაორმაგდება და უკვე მიმდინარე წელს, 20 მილიონის ნაცვლად, სხვადასხვა მცირე მასშტაბის პროექტზე, 40 მილიონი ლარი დაიხარჯება.სოფლის მხარდაჭერის პროგრამის მიმდინარეობის და შესრულების საერთო კოორდინაციას და მონიტორინგს რეგიონული განვითარებისა და ინფრასტრუქტურის სამინისტრო ახორციელებს.