სიახლეების გამოწერა

3 თებერვალს თეთრიწყაროს მუნიციპალიტეტის სოფლებში: დაღეთში, სამშვილდესა და კლდეისში დასახლების საერთო კრებები გაიმართა. 
დაღეთში სასმელი წყლის სისტემები და გარე განათების ქსელის მონტაჟი განხორციელდება, სოფელ სამშვილდეში გარე განათების ქსელი და სპორტული ინფრასტრუქტურა მოეწყობა, ხოლო სოფელ კლდეისში სასმელი წყლის სისტემის და ავზების რეაბილიტაცია განხორციელდება.
მოსახლეობამ იმ აუცილებელ საჭიროებებზე ისაუბრა, რაც ხელს შეუწყობს სოფლად ხალხის დარჩენას და დაბრუნებას. 
სოფლის მხარდაჭერის პროგრამის ბიუჯეტი გაორმაგდა და უკვე მიმდინარე წელს, 20 მილიონის ნაცვლად, სხვადასხვა მცირე მასშტაბის პროექტზე, 40 მილიონი ლარი დაიხარჯება.სოფლის მხარდაჭერის პროგრამის მიმდინარეობის და შესრულების საერთო კოორდინაციას და მონიტორინგს რეგიონული განვითარებისა და ინფრასტრუქტურის სამინისტრო ახორციელებს.
დასახლების საერთო კრებებს ესწრებოდნენ მერიის თანამშრომლები და ადგილობრივი მოსახლეობა.