სიახლეების გამოწერა

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის მსოფლიო ბანკის ფინანსური მხარდაჭერით და თეთრიწყაროს მუნიციპალიტეტის თანადაფინანსებით, ქ. თეთრიწყაროში შიდა გზების და დაბა მანგლისში ხიდების რეაბილიტაციას ახორციელებს.

ქალაქ თეთრიწყაროში მუნიციპალური განვითარების ფონდი თაყაიშვილის, ტაბიძის, თუმანიანის, გიორგი ბრწყინვალეს, კოსტავას, ხერგიანის, თრიალეთის ქუჩების სარეაბილიტაციო სამუშაოებს ახორციელებს. პროექტი აღნიშნულ ქუჩებზე ითვალისწინებს დაახლოებით 3500 გრძ/მ ასფალტო-ბეტონის საფარის მოწყობას. აღსანიშნავია, რომ თეთრიწყაროს მუნიციპალიტეტში შიდა ქუჩებს რეაბილიტაცია 1980 წლის შემდეგ არ ჩატარებია, რაც საავტომობილო გადაადგილებისას მოსახლეობას სერიოზულ დისკომფორტს უქმნიდა. ქუჩების რეაბილიტაციის შედეგად გაუმჯობესდება მიმოსვლა და თეთრიწყაროში მცხოვრები 1400 ოჯახი უსაფრთხოდ და კომფორტულად შეძლებს ქალაქის ქუჩებში გადაადგილებას. ამჟამად დასრულებულია თაყაიშვილის ქუჩის რეაბილიტაცია და ერთდროულად მიმდინარეობს ტაბიძის, თუმანიანის, გიორგი ბრწყინვალეს, კოსტავას, ხერგიანის და თრიალეთის ქუჩების სარეაბილიტაციო სამუშაოები. 
მიმდინარე წლის 5 ნოემბერს საქართველოს მუნიციპალური განვითარების ფონდის აღმასრულებელმა დირექტორმა ჯუანშერ ბურჭულაძემ და თეთრიწყაროს მუნიციპალიტეტის გამგებლის პირველმა მოადგილემ ერეკლე კუხიანძემ ქ. თეთრიწყაროში სარეაბილიტაციო სამუშაოების მიმდინარეობის პროცესი ადგილზე დაათვალიერეს.
თეთრიწყაროს მუნიციპალიტეტში გარდა ქუჩების რეაბილიტაციისა, პროექტის ფარგლებში პარალელურად მიმდინარეობდა დაბა მანგლისში 3 წყალგამტარი მილხიდის სარეაბილიტაციო. სამუშაოები ამჟამად დასრულებულია.
ზემოთაღნიშნული ინფრასტრუქტურული პროექტების ღირებულება 2 379 873,00 ლარს შეადგენს. სამშენებლო სამუშაოები 2015 წლის მაისში დაიწყო და წლის ბოლოს დასრულდება.
სამშენებლო სამუშაოებზე 20-მდე ადამიანია დასაქმებული.