სიახლეების გამოწერა

თეთრიწყაროს მუნიციპალიტეტის მერი გიორგი ქორიძე, მერიის ზედამხედველობის სამსახურის უფროსის მოვალეობის შემსრულებელთან, ნიკოლოზ სულხანიშვილთან ერთად, საზედამხედველო კომპანიის „ოპტიმალ+“ და მშენებელი კომპანიების: „შპს არტიფექსის”, შპს „იბერის“ წარმომადგენლებს შეხვდა.

 გიორგი ქორიძემ პირადად მოისმინა ინფორმაცია კონტრაქტორი კომპანიების წარმომადგენლებისაგან, თეთრიწყაროს მუნიციპალიტეტის სოფელ ასურეთში რუსთაველის ქუჩაზე საავტომობილო გზის მიმდინარე სარეაბილიტაციო სამუშაოებზე და სოფელ ჭივჭავში საბავშვო ბაღის რეაბილიტაციასთან დაკავშირებით.

 მერის გადაწყვეტილებით, მუნიციპალიტეტში მიმდინარე ინფრასტრუქტურული პროექტების განსახილველად, ყოველკვირეული თათბირი გაიმართება ყველა კონტრაქტორთან (მშენებელთან, პროექტანტთან და ზედამხედველთან).

 თეთრიწყაროს მუნიციპალიტეტის მერიამ 18.09.2018 გამოაცხადა ტენდერი სოფელ ჭივჭავში საბავშვო ბაღის მოწყობა-რეაბილიტაციის სამუშაოების შესყიდვა (შესყიდვის ღირებულება 174888 ლარი). ტენდერში გამარჯვებულმა კონტრაქტორმა კომპანიამ „შპს არტიფექსმა” სარეაბილიტაციო სამუშოები ხელშეკრულების მიხედვით 2019 წლის თებერვლის ბოლომდე უნდა დაასრულოს.

 შპს „იბერი“ სოფელ ასურეთში რუსთაველის ქუჩის მოწყობა-რეაბილიტაციის სამუშაოებს ახორციელებს (შესყიდვის ღირებულება - 314 000 ლარი), სამუშაოები ხელშეკრულების მიხედვით 2018 წლის 11 დეკემბერს დაიწყო და 2019 წლის 10 თებერვლამდე დასრულდება.