სიახლეების გამოწერა

  2 აგვისტოს თეთრიწყაროს მუნიციპალიტეტის მერიის საკონფერენციო დარბაზში გაცნობითი ხასითის შეხვედრა გაიმართა, რომელსაც განჯა-გაზახის რეგიონის წარმომადგენლები თეთრიწყაროს მუნიციპალიტეტის მერიისა და საკრებულოს თანამშრომლები ესწრებოდნენ.
პროექტის „სამოქალაქო საზოგადოება თანამშრომლობის და განვითარებისთვის: ტურისტული პოტენციალის გაზრდა აზერბაიჯანისა და საქართველოს სასაზღვრო რეგიონებში“ ფარგლებში 1-დან 6 აგვისტოს ჩათვლით ქვემო ქართლის რეგიონს სტუმრობს განჯა-გაზახის რეგიონის 28 წარმომადგენელი.
პროექტის ლიდერი პარტნიორია „კოდის სათემო განათლების ცენტრი“. პროექტის თანააპლიკანტია-განჯის რეგიონალური ქალთა ცენტრი.
პროგრამის მთავარი აქტივობებია: საზღვრის ორივე მხარეს რეგიონალური თანამშრომლობის განვითარება ეკონომიკის სფეროში ტურიზმთან დაკავშირებით, ორივე რეგიონში ტურისტული პოტენციალის გაზრდა, ოპერატორების, საინფორმაციო ცენტრების,გიდების და სასტუმროების ქსელების და ასოციაციების შექმნა, რეგიონალურ და ადგილობრივ სამთავრობო უწყებებს შორის თანამშრომლობის განვითარება საქართველოსა და აზერბაიჯანში და სხვა.