სიახლეების გამოწერა

პროექტის „სამოქალაქო საზოგადოების განვითარების ინიციატივა“ ფარგლებში, სამოქალაქო ინტეგრაციის ფონდის - ქვემო ქართლის რეგიონული ჰაბის ორგანიზებით, 24 ივლისს თეთრიწყაროს მუნიციპალიტეტის მერიაში ადგილობრივი თვითმმართველობის, სამოქალაქო საზოგადოებრივი ორგანიზაციების წარმომადგენლების და ადგილობრივი ახალგაზრდების მონაწილეობით შეხვედრა გაიმართა.

შეხვედრის მონაწილეებმა განიხილეს ადგილობრივ თვითმმართველობასა და საზოგადოებრივ ორგანიზაციებს შორის თანამშრომლობის საკითხები და იმსჯელეს თვითმმართველობის საქმიანობის გამჭვირვალობის და ანგარიშვალდებულების ხარისხის გაუმჯობესებისათვის სამომავლო თანამშრომლობის ფორმატზე. 
„სამოქალაქო საზოგადოების განვითარების ინიციატივა“ პროექტის მიზანია, ხელი შეუწყოს საქართველოში სამოქალაქო საზოგადოების გაძლიერებას, გაზარდოს მათი ანგარიშვალდებულება მოქალაქეების მიმართ და განამტკიცოს კავშირები სხვა აქტორებთან.
შეხვედრას ესწრებოდნენ: მერის პირველი მოადგილე მალხაზ სამაშვილი, საკრებულოს თავმჯდომარის მოადგილე ავთანდილ მუხაშავრია, მერის სამოქალაქო მრჩეველთა საბჭოს თავმჯდომარე გულიკო შოშიტაშვილი, წინწყაროს სათემო ფონდის წარმომადგენლები, თეთრიწყაროს ახალგაზრდული ცენტრის მოხალისეები.