სიახლეების გამოწერა

  5 ივლისს დაბა მანგლისის საზოგადოებრივ ცენტრში მოსახლეობასთან გამართულ შეხვედრაზე, ადგილობრივი თვითმმართველობის წარმომადგენლებმა თეთრიწყაროს მუნიციპალიტეტის ეკონომიკური განვითარების გეგმის შემუშავების მიმდინარე პროცესი განიხილეს.

თეთრიწყაროს მუნიციპალიტეტი 2018 წელს შეუერთდა ევროკავშირის ინიციატივას „მერები ეკონომიკური ზრდისთვის“ და აიღო ვალდებულება სამოქალაქო საზოგადოების, ბიზნეს სექტორის, არასამათავრობო ორგანიზაციების, ახალგაზრდების, მცირე მეწარმეების აქტიური ჩართულობით, შეიმუშავოს ადგილობრივი ეკონომიკური განვითარების სამოქმედო გეგმა, რომელიც სრულყოფილად უნდა ასახავდეს საზოგადოების ინტერესებს და განვითარების სასურველ მიმართულებებს.

ადგილობრივი ეკონომიკური განვითარების გეგმის შემუშავების პროცესი ითვალისწინებს კონსულტაციებს ყველა დაინტერესებულ მხარეებთან. მოსახლეობამ სპეციალური კითხვარის საშუალებით წარმოადგინა საკუთარი ხედვები და მოსაზრებები მუნიციპალიტეტის განვითარების შესახებ.

მერები ეკონომიკური ზრდისთვის“ ინიციატივის მიზანია, აღმოსავლეთ პარტნიორობის ქვეყნებში მერებისა და მუნიციპალიტეტების მხარდაჭერა ადგილობრივ დონეზე, რათა მათ აქტიურად შეუწყონ ხელი ეკონომიკურ განვითარებასა და ახალი სამუშაო ადგილების შექმნას, კერძო სექტორსა და სამოქალაქო საზოგადოებასთან თანამშრომლობის გზით.

ადგილობრივ მოსახლეობასთან შეხვედრები ეტაპობრივად გაიმართება მუნიციპალიტეტის სხვა დასახლებებშიც.