სიახლეების გამოწერა

  27 ივნისს თეთრიწყაროს მუნიციპალიტეტის მერის სათათბირო ორგანოს, სამოქალაქო მრჩეველთა საბჭოს მორიგი სხდომა გაიმართა. წინასწარ დაანონსებული დღის წესრიგის შესაბამისად განსახილველი თემები წარმოადგინეს: 2018 წლის 4 მაისის სხდომაზე თეთრიწყაროს მერიის მიერ წარმოდგენილი დოკუმენტებსა და თეთრიწყაროს მხარეთმცოდნეობის მუზეუმის გადაცემის საკთხზე რეკომენდაციები - გულიკო შოშტაშვილმა, მრჩეველთა საბჭოს თავმჯდომარემ ხოლო მერიის ტურიზმის განვითარების ხელშეწყობის განყოფილების უფროსმა გოგა ასუმბანმა - თეთრიწყაროს მუნიციპალიტეტში ტურიზმის განვითარების სტრატეგიის დოკუმენტის სამუშაო ვერსია და ასევე - ევროკავშირის ინიციატივა „მერები ეკონომიკური ზრდისთვის“.

საბჭოს წევრებს მიესალმა, მათი შრომა საპატიოდ შეაფასა და მუშაობაში წარმატებები უსურვა მერის მოვალეობის შემსრულებელმა, მალხაზ სამაშვილმა.

სხდომა საბჭოს წევრებისა და არაწევრი მოქალაქეების მონაწილეობით აქტიური დისკუსიით წარიმართა. დასმულ შეკითხვებს უპასუხეს მერიის შესაბამისი სამსახურების წარმომადგენლებმა.

საბჭომ კენჭი უყარა რეკომენდაციებს წინა სხდომაზე წარმოდგენილ საკითხებზე და ერთხმად მოიწონა. მანვე განსახილველად მიიღო დღევანდელ სხდომაზე წარმოდგენილი ტურიზმის განვითარების სტრატეგია და ევროკავშირის ინიციატივა „მერები ეკონომიკური ზრდისთვის“. თავის რეკომენდაციებს ამ დოკუმენტებზე მრჩეველთა საბჭო მომდევნო სხდომაზე წარადგენს.

 მრჩეველთა საბჭოს დღევანდელი სხდომის ოქმის ნახვა შესაძლებელია ბმულზე: http://tetritskaro.gov.ge/files/uploads/%E1%83%9D%E1%83%A5%E1%83%9B%E1%83%98%207.pdf