სიახლეების გამოწერა

  5 ივნისს თეთრიწყაროს მერიის საკონფერენციო დარბაზში გამართულ სამუშაო შეხვედრაზე წყლისა და წყალარინების პროექტების ტექნიკური დიზაინის შედგენის საკითხებზე იმსჯელეს. რეგიონული და მუნიციპალური ინფრასტრუქტურის განვითარების მეორე პროექტი, „საქართველოს ადგილობრვი თვითმმართველობების ინსტიტუციონალური შესაძლებლობების განვითარება პროექტის ციკლის მართვაში“, მიზნად ისახავს მუნიციპალიტეტების ინსტიტუციონალური შესაძლებლობების განვითარებას მათ ტერიტორიაზე განსახორციელებელი ინფრასტრუქტურული პროექტების ჩამოყალიბებაში, განვითარებაში, შესყიდვასა და მონიტორინგში.

✔პროექტი ხელს შეუწყობს ამ პროცესს თავისი საქმიანობის განხორციელებით მომდევნო სამი წლის განმავლობაში, რომელიც შემდეგ ასპექტებზე იქნება ორიენტირებული:

✔მუნიციპალიტეტების თანამშრომლობის სწავლება პროექტის ციკლის მართვის ძირითად ასპექტებში, მათი შესაძლებლობების გაზრდით ინფრასტრუქტურული პროექტების მართვაში;

✔მუნიციპალიტეტების დახმარება ისეთი ინსტრუმენტის განვითარებაში, რომელიც მათ პროექტების მომზადებაში დაეხმარება, ინფრასტრუქტურული და საინვესტიციო პროექტების ჩათვლით;

✔მუნიციპალიტეტების მხარდაჭერა პროექტების მართვაში;

✔სახელმძღვანელოების და სხვა ინსტრუმენტების განვითარება, როგორიცაა PCM ვებ-გვერდი, რომელიც ინტერმუნიციპალური კომუნიკაციის პროცესს შეუწყობს ხელს და დაეხმარება მათ პროექტების განსაზღვრის და მართვის პროცესში.

 შეხვედრას ესწრებოდნენ: თეთრიწყაროს მუნიციპალიტეტის მერის მოადგილე მალხაზ სამაშვილი, გაერთიანებული წყალმომარაგების კომპანიის თეთრიწყაროს ოფისის წარმომადგენლები, ა.(ა).ი.პ „თეთრიწყარო წყალის“ და მერიის თანამშრომლები.