სიახლეების გამოწერა

„მშვიდობის, დემოკრატიის და განვითარების კავკასიური ინსტიტუტი” თეთრიწყაროს მუნიციპალიტეტში ახორციელებს პროექტს „ადგილობრივი თემი და ხელისუფლება განვითარებისთვის“, რომელიც მიზნად ისახავს თემის მდგრადი განვითარების შესაძებლობების შექმნას ადგილობრივ პრობლემებზე მოსახლეობის და ხელისუფლების ერთობლივი რეაგირების გზით.

პროექტის ფარგლებში, 24 მაისს მუნიციპალიტეტის მერიაში ადგილობრივი თვითმმართველობის, „მშვიდობის, დემოკრატიის და განვითარების კავკასიური ინსტიტუტი” -ს წარმომადგენლებმა და სოფლების: გოლთეთისა და დიდი თონეთის საინიციატივო ჯგუფების წევრებმა განიხილეს აღნიშნულ დასახლებებში არსებული პრობლემები და საჭიროებები. სამიზნედ შერჩეულ სოფლებში პირველ ეტაპზე, თემის მიერ ჩამოყალიბდა საინიციატივო ჯგუფები, მათ მიერ ადგილობრივი მოსახლეობის ჩართულობით განხორციელდა ადგილობრივი პრობლემის გამოვლენა და ანალიზი, შემდგომ ეტაპზე საინიციატივო ჯგუფების და ადგილობრივი ხელისუფლების წარმომადგენლების მიერ მოხდება პრობლემების გადაწყვეტის სტრატეგიების შემუშავება და შერჩეული პრობლემების მოგვარების მიზნით, კონკრეტული ღონისძიებების გატარება სამიზნე თემის, კავკასიური ინსტიტუტის და ადგილობრივი ხელისუფლების თანამონაწილეობით.

პროექტი საქართველოს 12 მუნიციპალიტეტის 24 სოფელში ხორციელდება, პროექტის ფარგლებში თეთრიწყაროს მუნიციპალიტეტში შერჩეულ იქნა 2 სამიზნე სოფელი: გოლთეთი და დიდ თონეთი.

 შეხვედრას ესწრებოდნენ: მერის პირველი მოადგილე მალხაზ სამაშვილი, „მშვიდობის, დემოკრატიის და განვითარების კავკასიური ინსტიტუტი”-ს წარმომადგენლები: თიკო ტყეშელაშვილი, ირმა ზურაბაშვილი, მერაბ ცინდელიანი და საინიციატივო ჯგუფების წარმომადგენლები.