სიახლეების გამოწერა

24 დეკემბერს, თეთრიწყაროს მუნიციპალიტეტის გამგეობაში საქართველოს მკვლევართა კავშირის „ორქისის“ ინიციატივით, პროექტი „დავასუფთაოთ საქართველო“-ს ფარგლებში, თეთრიწყაროს მუნიციპალიტეტის წარმომადგენლებთან ნარჩენების მართვის შესახებ საინფორმაციო შეხვედრა გაიმართა.

პროექტის მიზანია, ნარჩენების მართვასთან დაკავშირებით, საზოგადოების ცნობიერების ამაღლება, ადგილობრივი თვითმართველობების ინფორმირება და შესაძლებლობების გაძლიერების ხელშეწყობა ნარჩენების მართვის საკითხებზე, ნარჩენების მართვის თანამედროვე მეთოდების გაცნობა საერთაშორისო პრაქტიკის მაგალითზე.
შეხვედრაზე განხილულ იქნა ევროკავშირთან ასოცირების ხელშეკრულებთ საქართველოს მიერ ნაკისრი ვალდებულებები ნარჩენების მართვის სფეროში. საუბარი შეეხო რეგიონებში საერთაშორისო პრაქტიკის დანერგვის პერსპექტივებს, საქართველოში ნარჩენების მართვის საკანონმდებლო მოთხოვნებსა და გარემოს დაბინძურებასთან დაკავშირებულ ეკოლოგიურ პრობლემებს.
აღნიშნულ შეხვედრას ესწრებოდა თეთრიწყაროს მუნიციპალიტეტის გამგეობის სტრუქტურული ერთეულების თანამშრომლები. შეხვედრის ბოლოს გაიმართა დისკუსია.