სიახლეების გამოწერა

  15 მაისს ქ. თბილისში, ადგილობრივ თვითმმართველობებში გენდერული თანასწორობის საკითხებთან დაკავშირებით, პირველი ეროვნული კონფერენცია გაიმართა. 

 ღონისძიებას ესწრებოდნენ თეთრიწყაროს მუნიციპალიტეტის მერი გიორგი ქორიძე და საკრებულოს თავმჯდომარე გოჩა თედორაძე. შეხვედრა გახსნეს და მონაწილეებს სიტყვით მიმართეს: პარლამენტის თავმჯდომარის პირველმა მოადგილემ თამარ ჩუგოშვილმა, თბილისის მერმა კახა კალაძემ, საქართველოს რეგიონული განვითარებისა და ინფრასტრუქტურის მინისტრმა მაია ცქიტიშვილმა, გაეროს განვითარების პროგრამის ხელმძღვანელის მოადგილემ მუნხტუია ალთანგელერმა. 

 შეხვედრის მონაწილეებმა განიხილეს გენდერული თანასწორობის საკითხები ეროვნულ და ადგილობრივ დონეზე, საკანონმდებლო ჩარჩო და საერთაშორისო გამოცდილება, გენდერული თანასწორობის ეროვნული სამოქმედო გეგმა, მუნიციპალური გენდერული თანასწორობის საბჭოების და გენდერული თანასწორობის საკითხებზე პასუხისმგებელი პირების უფლება-მოვალეობები, ადგილობრივ თვითმმართველობებში არსებული გამოწვევები და შესაძლებლობები.

 კონფერენცია ჩატარდა საქართველოს პარლამენტის გენდერული თანასწორობის საბჭოსა და საქართველოს თვითმმართველობათა ეროვნული ასოციაციის ინიციატივით, ეროვნულ-დემოკრატიულ ინსტიტუტისა (NDI) და გაეროს განვითარების პროგრამასთან (UNDP) თანამშრომლობით.