სიახლეების გამოწერა

  9 მაისს ქალაქ თეთრიწყაროში კულტურისა და დასვენების პარკში და სოფელ ჯვარაში მეორე მსოფლიო ომში დაღუპულ გმირთა მემორიალებთან ფაშიზმზე გამარჯვების 73-ე წლისთავისადმი მიძღვნილი ღონისძიებები ჩატარდა. 

  თეთრიწყაროს მუნიციპალიტეტის მერმა გიორგი ქორიძემ, მერის მოადგილეებმა ლია ზურებიანმა და ბერდია ხვისტანმა გარდაცვლილთა მემორიალები გვირგვინებით შეამკეს და გამარჯვების დღე მიულოცეს მეორე მსოფლიო ომის მონაწილე ვეტერანებს. 

  თეთრიწყაროს მუნიციპალიტეტის მერიამ მუნიციპალური პროგრამის ფარგლებში მეორე მსოფლიო ომში მონაწილე თითოეულ (6 ვეტერანი) ვეტერანს გადასცა ფულადი ჯილდო 500 ლარის ოდენობით.

  ღონისძიების ფარგლებში ააიპ ,,თეთრიწყაროს მხარეთმცოდნეობის მუზეუმმა“ წარმოადგინა ფაშიზმზე გამარჯვების დღისადმი მიძღვნილი ფოტოგამოფენა, ასევე ჩატარდა გარდაცვლილთა სულების მოსახსენიებელი პანაშვიდი.