სიახლეების გამოწერა

  8 მაისს კოდის სათემო განათლების ცენტრს გერმანიის სახალხო უნივერსიტეტთა ასოციაციის საერთაშორისო თანამშრომლობის ინსტიტუტის (DVV International) სხვადასხვა ქვეყნის ოფისების (გერმანია, უკრაინა, ბელარუსია, არაბეთი) წარმომადგენლები ესტუმრნენ და გაეცნენ სათემო განათლების ცენტრის საქმიანობას, მოისმინეს ინფორმაცია ცენტრის მიერ განხორციელებული და მიმდინარე პროექტების შესახებ, დაესწრნენ პროფესიული და პიროვნული განვითარების სალექციო კურსებს. სტუმრების დიდი ინტერესი გამოიწვია კოდის სათემო განათლების ცენტრთან არსებული სოციალური საწარმოს „არტკოდა“ მიერ წარმოდგენილმა ხელნაკეთმა ნივთებმა და ხელოვნების სხვადასხვა ნიმუშებმა.

  უცხო ქვეყნებიდან ჩამოსულ სტუმრებს სათემო განათლების ცენტრში DVV International საქართველოს ოფისის წარმომადგენლებთან ერთად შეხვდნენ: ქვემო ქართლში სახელმწიფო რწმუნებულის – გუბერნატორის ადმინისტრაციის წარმომადგენელი სოსო პირველი, თეთრიწყაროს მუნიციპალიტეტის მერი გიორგი ქორიძე და მერის პირველი მოადგილე მალხაზ სამაშვილი.

   (DVV International) -ის წარმომადგენლობის ინფორმაციით, წარმატებული პრაქტიკისა და საქმიანობის მიხედვით, კოდის სათემო განათლების ცენტრის, როგორც ერთ-ერთი წარმატებული ოფისის მაგალითზე, სათემო განათლების ცენტრების დაარსება გათვალისწინებულია იორდანიასა და მოლდოვაში.